مرحبا، وأهلا وسهلا فيكن ب Geneva International Motor Show يلّي إستضاف بالدورة 84 منّو، مجموعة كبيرة من ال World Premieres ومن ال Concepts، إضافة طبعاً لعشرات ال New Models. وكان حضور ال Tuners قوي، مع مشاركة من قبل شركات ال Accessories. وMotorshow كان حاضر ب Geneva Palexpo متل العادة، لياخدكن بجولة على مختلف منصّات العرض، مع الإشارة إنّو بعض ال Stands كانوا كتير مميّزين.
إشارة إنّو ال 84 Edition من المعرض إستقبلت أكتر من سبعمية ألف زاير توافدوا على ال Palexpo ليتفرّجوا على أكتر من 900 Models، من تقديم أكتر من 250 Exhibitors. وحضر كمان أكتر من عشر آلاف Media Representatives غطّوا حوالى 65 Press Conferences ومجموعة كبيرة من ال Launches. وللمرّة التالتة، بتمّ إنتخاب ال Car of the year ضمن فعاليّات Geneva Motor Show . وهالسنة راحت الجايزة ل Peugeot 308.
وبعد هالمعلومات السريعة عن المعرض، صار الوقت نبلّش جولتنا على ال Stands، والبداية مع الصانعين الفرنسيّين يلّي عم بواجهو صعوبات بالتسويق، نتيجة وضع إقتصادي غير مستقرّ بكتير من الدول الأوروبية.
Renault أطلقت Twingo يلّي بتتميّز بمحرك بالجهة الخلفية مع Rear Wheel Drive System كمان. وهال Compact City Car مزوّدة ب 1 Liter 3 Cylinder Engine بولّد 70 حصان، مع إمكان إختيار Turbo Engine بولّد 90 حصان، وكتير إقتصادي على مستوى ال Fuel Consumption. على ال Renault Stand ب Geneva، كان في كمان Clio RS الصغيرة الرياضية، وTwizy الإقتصادية ال Compact المخصّصة للمدن، وZoe الكهربائية، و Formula E يلّي هيّي سيارة كهربائية لسباقات ال Formula 1.
Peugeot قدّمت 108 الجديدة كلياً والمناسبة لل Urban Journeys. وهال Premiere بتتمتّع بحجم Compact، علماً إنّو ال Cabin مريحة وواسعة نسبياً. ومن ضمن المميزات 6 Airbags، وAutomatic AC، و 7 Inch Touch Screen، إضافة طبعاً للمحركات الإقتصاديّة. وأطلقت Peugeot كمان 308 SWك World Premiere مع Body بطول 458 Cm وبعرض 180 Cm. وهال Station Wagon مصمّمة للعيلة، وهيّي كتير Practical وفخمة، مع صندوق بسعة 660 Liters بينضاف إلو Under Floor Storage Space بسعة 70 Liters. ومن ضمن المميزات Glass Panoramic Roof كتير واسع. ومن ضمن المعروضات 208 T16 Pikes Peak، سيارة الرالي يلّي إختبرا بالماضي القريب البطل Sebastien Loeb. ومع 308 R Concept كشفت Peugeot عن مفهوما للسيارات الرياضية. وعرضت Peugeot كمان تقنية Hybrid 4 يلّي هي تكنولوجيا هجينة وإقتصادية رح تتوفّر بأكتر من Models.
Citroen كان حضورا كتير قوي، مع تقديم 3 Premieres هنّي: C4 Cactus يلّي بتتميّز بوزنا لكتير خفيف، وبنظام دفع كتير إقتصادي و Fuel Efficient، وب Cabin كتير Modern و Practical. ومع الفئة Aventure من C4 Cactus التركيز كان على متطلّبات الرحلات والمغامرات. وجديد Citroen كمان كان C1 يلّي رح تتوفّر بتلاتي Trim levels وب 2 Engine Options، علماً إنّا بتنافس ضمن فئة ال City Cars العصريّة. ومع C1 Swiss and ME Version التصميم بصير Aggressive أكتر. ومع C5 Crosstourer، عم تحكي Citroen عن سيارة Tous Chemins بتستفيد من مواصفات مخصّصة للطرقات الوعرة والصعبة.
بالإنتقال ل Group Volkswagen فهيّي شاركت بشكل واسع مع مجموعة منوّعة من ال Trademarks.
Skoda أطلقت Octavia Scout وهيّي فئة مخصّصة لل Off Roads، بتتميّز عن Octavia العادية بإنّا متينة أكتر، ومزوّدة بدفاعات مختلفة، مع Ground Clearance أعلى. وال World Premiere كانت Vision cيلّي بتعكس New Design Language من قبل Skoda، علماً إنّا 5 Door Coupe.
Seat كشفت عن Mii المحضّرة من قبل شركة Mango الإسبانية للموضة، ويلّي بتتمتّع بتصميم كتير Fashionable، وكمان عن Leon Cupra يلّي هيّي عبارة عن Hot Hatch نجحت بتسجيل رقم قياسي لل Front-driven road car، على حلبة Nurburgring. والفضل بهالشي بيرجع لمحرك بولّد 276 حصان، مع Transmission كتير متطوّرة مزوّدة ب Dual Clutch إضافة ل Locking Differential من تطوير Haldex.
Volkswagen عرضت Sportsvan Golf بالتفصيل، ونسخة Refreshed من Polo الإقتصادية الصغيرة. وأطلقت Scirocco بجيل أقوى بنسبة 19 %، مع Consumption أقلّ. وتمّ تطوير التصميم قدّام وورا، مع إستخدام LED Lights بالجهة الخلفيّة، وتعديل ال Interior. ومن ضمن التجهيزات Park Steering Assistant. ومع T-Roc Concept عم تحاول VW تسويق Crossover بحجم Golf، مع Dynamic Design.
Audi قدّمت مجموعة من السيارات الجديدة، متل ال All new version من TT Coupe، و TTS Coupe الرياضية، و S3 Cabriolet المكشوفة الجذّابة، وخاصة S1 Sportback مع Design حلو و Cabin عملانيّة، إضافة ل 2 Liter TFSI Engine بولّد 231 حصان، و370 "نيوتن متر" من ال Torque، و4 Wheel drive system. وال Acceleration من صفر لمية كيلومتر بالساعة بتمّ خلال 5,9 ثوان. وعرضت Audi سيارة السبق e-Tron Quattro R18 يلّي صارت تستفيد من New Technology، عبارة عن تطوير مستمر لل World Championship Winning Car بسباقات Le Mans بآخر سنتين.
Macan فرضت حضورا على منصّة Porsche إن كان بالفئة S Diesel الجديدة مع 254 حصان، أو بالفئة Turbo يلّي بتمثّل Ultimate Version من هال Sporty SUV مع 394 حصان، خلّوَا تصير أقوى Vehicle ضمن ال Compact SUV. والتسارع من صفر لمية Km/h بتمّ بتوقيت مشابه لتوقيت 911. وقدّمت Porsche كمان919 Hybrid المصمّمة لتشارك بال World Endurance Championship 2014، ومن ضمنا سباق 24 Hours of Le Mans. وPorsche Stand ب Geneva ضمّ كمان 911 Targa يلّي إنطلقت لأوّل مرّة أوروبياً، و911 RSR يلّي تقدّمت ك World Premiere مع Lightweight Design وديناميكيّة محسّنة، وFuel Efficiency أكبر. وهال Race Car رح تشارك بكل سباقات WEC، خاصة سباقات 24 ساعة Le Mans. وعروضات Porsche ضمّت Panamera Turbo S يلّي مزوّدة ب 570 Horsepower Engine. واللافت إنّو ال Fuel Consumption تحسّنت بنسبة 11 %. ومن ضمن التغييرات زيادة طول ال Wheelbase بالفئة Executive.
صانع السيارات الفخمة Bentley أطلق Continental GT Speed، السيارة الأسرع على الإطلاق من هالشركة البريطانية المترفة بفضل محرك V12 ضخم بسعة 6 ليترات بولّد 635 حصان، بمكّنا من الوصول ل 331 Km/h. وتم تطوير ال Design وإستخدام Wheels قياس 21 Inches. وشاركت كمان Flying Spur V8 بمحركا الجديد سعة 4 ليترات بقوة 507 أحصنة. وما مننسى Mulsane يلّي بتأكد Bentley من خلالا معايير فخامتا العالية.
ولَيلّي بحبّوا ال Supercars، فِيون يستمتعوا مع Huracan يلّي قدّمتا Lamborghini بمواصفات خارقة بتأكّد ولادة Legend جديدة. وعم نحكي عن 5,2 Liter V10 Engine بولّد 610 أحصنة. وعم نحكي كمان عن Acceleration من صفر لمية كيلومتر بالساعة خلال 3,2 ثوان، وعن Maximum Speed بتوصل ل 325 Km/h. وما مننسى ال 4 Wheel Drive وال Ceramic Brakes وال Adaptive Suspension. وكانت Aventador Roadster حاضرة ب Geneva بكل مميّزاتا، وأهما ال Topless Roof.
والسيارات الفخمة الجديدة يلّي بتحمل إسم وشعار Bugatti تمثّلت ب Veyron Grand Sport Vitesse والفئة Rembrandt منّا. وهال Special Edition تصمّمت لتكريم Rembrandt Bugatti، شقيق مؤسّس الشركة Ettore. وهيّي رابع Model من ضمن Les Legendes de Bugatti Series. وبتستفيد من 8 Liter W16 Engine بولّد 1200 Horsepower.
وقفة سريعة مع الإعلان، ومنتابع معكن Motorshow من Geneva، ومع مجموعة جديدة من الصانعين الأوروبيّين. إنطرونا...
جولتنا على ال Stands ب Geneva Motor Show بتابع، ووقفتنا هلّق مع BMW Group يلّي شارك بفعاليّة بالمعرض. ومن أبرز عروضات Mini منذكر Clubman Concept يلّي هيّي عبارة عن 4 Door & 5 Seats Modern Car بتتميّز بقدرات تحميل كتير بتناسب ال Active lifestyle. وصحيح إحتفظت هالسيارة الإختبارية بكتير من ال Features المعروفة ضمن مجموعة Mini، ولكنّا تزيّنت كمان ب Exclusive Materials وبتفاصيل مميّزة.
BMW أطلقت X3 LCI ، وال 4 Series Gran Coupe، وال 2 Series Active Tourer ، ك World Premieres، إضافة ل M3 و M4 لأوّل مرّة بأوروبا. X3 إستفادت من جهتا من تحسينات مهمّة على مستوى ال Design وصارت تتمتّع ب More Powerful figure. ال 435i Gran Coupe بتجمع بنفس الوقت بين فخامة Sedan وديناميكيّة Coupe والعملانية الكبيرة لل Hatchback. أمّا ال 2 Series Active Tourer فأبرز مميّزاتا بيتمثّل بال Front Wheel Drive، إضافة لل Compact Size، مع 3 Cylinder Engine بال Entry Level، ولكن مع Turbo بيتكفّل بتأمين Performance بتليق بالشركة البافاريّة. ومن ضمن عروضات BMW ب Geneva كمان، 640 XDrive، و 750 LD XDrive، و i8، و M235i.
Rolls Royce قدّمت بكل فخر ال 2014 Model من Ghost Series 2 يلّي إتطوّر تصميما من الخارج بشكل واضح. وداخل ال Cabin تمّ الدمج بين ال Luxury Features وأجدد ال Technology، منّا متلاً ال Wi-Fi Connection يلّي بتسمح لل Business Men بمتابعة أعمالن بكل فعاليّة. ومن أهم التجهيزات الإلكترونية، Satellite Aided Transmission بتخلّي إختيار ال Gears يكون دايماً مناسب مع طبيعة الطريق بفضل معلومات دقيقة من ال GPS ومن ال Mapping Data. وعرضت Rolls Royce كمان Phantom Series 2 الفخمة كتير، وWraith الرياضية الشكل.
بالإنتقال لمجموعة Daimler،Smart عرضت Brabus Ultimate 120 يلّي هيّي عبارة عن Smart Fortwo معدّلة، وبتستفيد من Dynamic Design مع Economical Engine بولّد 120 حصان، وبيسمح بالوصول لسرعة 170 Km/h.
Mercedes قدّمت من جهتا A Class AMG المدمجة والرياضية، و CLS المميّزة بال Design الجريء، و E Class Cabrio المكشوفة، و E Class Wagon AMG العملانية والقويّة، وSL Class الديناميكيّة. والأهمّ تمثّل ب S Class Sedan & Coupe، يلّي بتضمّ مثلاً S600 Limousine يلّي تُعتبر Top Model ضمن مجموعة Mercedes الجديدة، و S500 Coupe يلّي بتجمع بين 455 حصان و700 "نيوتن متر" مع القياسات الكلاسيكية الكبيرة ل Sporty Coupe كتير فخمة، وصولاً لل S 65 AMG، يلّي بتتمتّع ب Performance ما بيتنافس بفضل 630 Horsepower. والجديد كمان كان Class C Berline، يلّي عم تفتح صفحة جديدة من النجاح ضمن نخبة ال Medium Size Category. ونجح المهندسين بخفض وزن الجيل الجديد بنسبة 100 kg، وزادوا مجموعة من التجهيزات المتطوّرة، وطوّروا ال Design بشكل كبير. وأطلقت Mercedes الفئةV الجديدة يلّي بتهدف لتكون بطليعة ال MPVs، خاصة إنّا كتير Practical و Modern.
بالنسبة لمجموعة Chrysler، حضور Fiat كان عبر 500 Trekking لكتير عمليّة وواسعة، وFreemont Cross المخصّصة للطرقات الوعرة ويلّي بتستهدف ال Modern Family لبيهتمّوا بال Space وبال Practicality. أمّا Panda Cross فكانت الأبرز على ال Stand الخاص ب Fiat، ويلّي بتهدف لتطوير مميّزات Panda 4x4، خاصة على مستوى قدرات العبور وال Attitude. ومن ضمن المميّزات، Torque on Demand All-wheel-drive، وأنظمة إلكترونية متطوّرة للتحكم بال Stability ولعبور ال Descent بأمان، ولحجز ال Differential عند الضرورة.
Abarth قدّمت 695 Biposto يلّي هيّي أسرع Version مسموح قيادتا على الطريق من Abarth، بفضل 1,4 Turbo Four بولّد 190 حصان. ومعا ال Acceleration من صفر لمية كيلومتر بالساعة بتمّ ب 5,9 ثوان. وبالنسبة ل 695 Evoluzione فهيّي بتستفيد من Chassis معدّل بوزن خفيف بيبلغ 920 كيلوغرام، وقوّة إضافية بتوصل ل 215 Horsepower. ومع Abarth 595 Turismo تمّ الدمج بين ال Performance وال Elegance إضافة لمحرك قوي وتجهيزات Exclusive.
والأبرز عند Lancia كان Ypsilon بفئة Elefantino 14، و Elle Concept، ضمن مفهوم هالشركة الإيطالية المميّزة لل Modern City Car.
Alfa Romeo أطلقت 4C Targa Coupe المزوّة ب 1,75 Liter Turbo Engine بولّد 240 حصان، وبيسمح بالتسارع من صفر لمية كيلومتر بالساعة خلال 4,7 ثوان. وهال Premiere بتتمتّع بتصميم رياضي كتير جريء وAggressive. وتمّ كمان عرض 4C Spider يلّي مزوّدة ب Removable Roof Panel ليلّي بفضّلوا السيارات المكشوفة. وAlfa Romeo Giulietta بفئة Quadrifoglio Verde يلّي إنعرضت ب Geneve، بتجمع بين ال 4C Engine مع ال Platform الخاصة ب Giulietta Hatchback.
وقفة تانية سريعة مع الإعلان، ومنتابع من بعدا مع مزيد من الصانعين خاصة الأميركان والبريطانيّين. خلّيكن معنا...
من جديد، نحنا معكن من Geneva Motor Show 2014، والمنصّة يلّي عم تشوفوا هيّي ل Dodge يلّي شاركت بالمعرض من خلال Challenger يلّي بترمز للسيّارات الأميركية الكلاسيكية الخارقة على مستوى القوّة، وكمان عبر Durango Citadel يلّي بتمثّل SUV عملي وModern، مع قدرات عبور جيّدة.
أمّا Jeep فقدّمت Cherokee Limited بنسخة كتير مميّزة مزوّدة ب Turbo Diesel Engine إلى جانب 2 Petrol Engines. والخيارات منوّعة كمان على مستوى ال Transmissions وال Drive Configurations. والمُشتَرك بين كل ال Versions، تطوير التصميم وال Safety وال Technologies. ومع Renegade الجديد لسنة 2015، قدّمت Jeep واحد من أقوى ال Small SUV المصمم لل Global Markets. وعرضت Jeep كمان Wrangler Rubicon بعضلاتو المفتولة، و Grand Cherokee الفخم وال Modern، و Overland Concept بتصميم ومواصفات من وحي المستقبل.
Volvo قدّمت من جهتا V60 Polestar يلّي بتنتمي لفئة Wagon مع قدرات عملانية كتير، وعرضت P1 800 ES يلّي بتذكّر بماضيا الناجح. والأهم على Volvo Stand كان Concept Estate يلّي بتجمع بين ال Coupe وال Wagon، مع خطوط عصرية وكتير Aerodynamic من الخارج، ومع Technology و Features كتير متطوّرة من الداخل.
Opel قدّمت Adams Rocks يلّي بينقل مجموعة Adam لمستويات جديدة، مع قدرات عبور محسّنة لسيارة مخصّصة أساساً للمدن. وإضافة ل Insigna الفخمة والمميّزة، عرضت Opel كمان Astra بفئة OPC Extreme بتستفيد من وزن خفيف ومن Performance مهمّة، مع 300 Horsepower بولّدن 2,0 Turbo Engine.
Tata أطلقت من جهتا Nexon يلّي هوّي عبارة عن Mini SUV بعدو بصيغة Concept، وبيستفيد من خطوط إنسيابيّة ومن نظام دفع إقتصادي وفعّال بنفس الوقت.
Jaguar أطلقت XFR-S Sportbrake لتكون أوّل Estate Car من تطوير Jaguar بتتمتّع بطابع رياضي وب High Performance كتير مميّزة. والفضل بعود ل Supercharged V8 سعة 5 Liters بولّد 550 حصان. وال Limited Top Speed بتبلغ 300 Km/h. وهالفئة الجديدة إنضمّت لشقيقتا XFR-S يلّي ما بتقل قوّة لكن بتنافس ضمن الفئة Sedan. وكشفت Jaguar عن XE يلّي هيّي الجيل المقبل من ال Compact Sports Sedan. وحضور Jaguar بمعرض Geneva ضمّ كمان F Type Coupe يلّي بتتمتّع بأداء خارق وبتوازن ممتاز، و XJ-R يلّي بتعكس قدرات المهندسين عند Jaguar على مستوى ال Design وال Engineering، وال Craftsmanship.
Land Rover عرضت Discovery يلّي عم بيحتفل بال 25th Birthday ، ويلّي رح يصير يضمّ A Family of Vehicles إعتباراً من سنة 2015. وقدّمت كمان Evoque بفئة Autobiography مع كل التعديلات المميّزة.
Aston Martin يلّي صارت تستفيد من 101 سنة من الخبرة، قدّمت مجموعة واسعة من السيارات خلال Geneva Motor Show 2014، ضمّت Centennial Zagato، و DB9 Carbon Black، و DB9 Volante، و Rapide S، و V12 Vantage by Q، و Vanquish، و Vanquish Q، و Vantage Q. ومنذكّر إنّو حرف Q صار بيرمز عند Aston Martin لمجموعة من التعديلات والتحسينات الخاصة، ضمن Tailor made personalization service. ومن ضمن المميّزات Vantage N430 يلّي بتتمتّع ب Performance كتير قوي، بفضل تخفيف وزن هال Special Edition وتطوير أنظمتا الميكانيكيّة.
بالنسبة لمجموعة General Motors، Corvette ال Legend الأشهر من إنتاج Chevrolet صارت مع ZO6 أقوى ب 160 حصان، مقارنة ب Corvette Stingray العادية. وفينا نقول إنّو Corvette ZO6 هيّي The Most Capable Corvette بتاريخ هال Supercar العريق. ومع 625 حصان، صارت Camaro يلّي تقدّمت ب Geneva كمان بتبيّن متواضعة على مستوى ال Performance، علماً إنّا كتير قويّة وسريعة.
Cadillac عرضت ATS بفئة Coupe كسيارة فخمة ورياضية، وEscalade المُجدّد ويلّي بنافس ضمن فئة SUV الكبيرة والغرقانة بال Luxury. وهال 2 Models إستفادوا ب Geneva من أوّل إطلاق لإلن بأوروبا. وعرضت Cadillac كمان ELR يلّي بتجمع بنفس الوقت بين ال Style وال Technology وال Performance.
Ford أطلقت ب Geneve أجدد دراسة لسيارات SUV من إنتاجا، بإسم Edge Concept، مع مواصفات Aggressive وDynamic بالوقت ذاتو. وعرضت Focus بجيلا الجديد مع Sync 2 Connectivity System، ومع تجهيزات متطوّرة للمساعدة على التحكم والسيطرة. وMustang السيارة الرياضية الأميركية الغنيّة عن التعريف، شاركت بنسخة بينكشف عنّا للمرّة الأوّلي بأوروبا، بالفئة Cabrio المكشوفة وبالفئة GT الرياضية. وFord Tourneo Connect شاركت كمان ضمن الفئة Minivan.
Maserati كشفت عن Alfieri Concept يلّي تقدّمت بمناسبة مرور مية سنة على تأسيس هال Brand المميّزة ضمن صانعي ال Super Cars. وصحيح إنّو Alfieri 2+2 Concept تقدّم بصيغة إختباريّة، ولكنّو 100% Functional Prototype يعني من الممكن قيادتو على الطريق. والهدف منّو إعطاء فكرة عن ال Design المستقبلي لسيارات Maserati. وبالتعاون مع شركة Ermenegildo Zegna كشفت Maserati عن نسخة كتير Exclusive من Quattroporte، رح تتوفّر بمية Units بسّ.
ومنختم الحلقة الأوّلي من Geneva Motor Show لسنة 2014، مع صانع أسطوري، ومع سيارة رياضية بامتياز، وعم نحكي عن Ferrari يلّي قدّمت California T، مع الإشارة إنّو حرف T بيرمز لكلمة Turbocharged. ومقارنة بمحرك California العادية، زادت قوة الأحصنة بمجموع 70 حصان، لتوصل مع ال Twin Turbo 3,8 Liter V8 Engine لحدود 553 حصان. ومن ال Standstill بتكفي 3,6 ثواني للوصول لسرعة 100 km/h، مع Maximum Speed بتوصل ل 315 km/h. وإلى جانب California T، قدّمت Ferrari النسخة الأجدد من F12 مع Elements من تطوير Pininfarina، ومن 458 Speciale، ال Spiritual Successor ل 430 Scuderia.
وهيك بتنتهي حلقتنا من Geneva Palexpo، على أمل تكونوا إستمتعوا فيا. ومنوعدكم إنّو الحلقة الجاية ما رح تكون أقل تشويق. وفيا رح نعمل جولة على عروضات الصانعين اليابانيّين والكوريّين بشكل خاص. ومسك الختام رح بكون مع أجمل وأقوى السيارات المعدّلة من قبل أهمّ ال Tuners بالعالم. كونوا على الموعد. Bye