McLaren هيّي شركة بريطانيّة مميّزة، إنتقلت من ال Speed Circuit للطرقات العادية، وتحوّلت من إنتاج سيارات السباق لإنتاج Supercars. وبعد تقديم MP4-12C والفئة Spider منّا كمان، أطلقت Mclaren طراز جديد بإسم P1 V8. وهال Supercar بلّشت كسيارة إختبارية أو Concept Car من على منصّات Paris Motor Show لسنة 2012. والتفاصيل النهائية لهالسيارة الرياضية بامتياز، ويلّي بتحمل كل ال Racing DNA، صارت أوضح خلال Geneva Motor Show لسنة 2013.

وقبل شرح أبرز ال Features، من الضروري الإشارة إنّو P1 الجديدة، رح تنتج بمجموع 375 نسخة بسّ، حفاظاً على التمايز وال Exclusivity. والسعر ما رحّ يقلّ عن مليون ونص مليون دولار أميركي، من دون الضرايب. وهالشي ما منع McLaren من إنّو تبيع 250 نسخة قبل ال Final Production Phase! إشارة كمان إنّو عمليّة الإنتاج رح بتمّ بمعدّل سيارة وحدة باليوم، لإنّو P1 هيّي Basically hand-built وبشارك بصنعا أكتر من 70 Individuals.  

الهيكل ال Monocoque مصنوع من ال Carbon Fibre ليكون خفيف وبيتمتّع بالليونة وبالصلابة بنفس الوقت. بالنسبة للشكل، بتتمتّع P1 ب Design كتير Aggressive، علماً إنّو الخطوط إستوحيت من McLaren MP4-12C، لكن مع بعض التعديلات والإضافات يلّي أمّنت الطلّة الهجوميّة المطلوبة. وبعد إختبارات مكثّفة بال Wind Tunnel صار ال Air Flow كتير سلس حول ال Body. والهيبة مميّزة، والحضور على الطريق قوي، مع فتحات هوا كتير كبيرة، وExhaust مميّز. والبواب بيفتحو بطريقة إستعراضيّة متل الجوانح.

وداخل ال Cabin، الإهتمام بعوامل الراحة والترفيه واضح، ولكن الإهتمام بمتطلّبات السلامة، وبالشكل الرياضي كمان، هوّي الأكبر. ومن ضمن ال Safety Features، بيستفيد ال Roof من Structure Safety Cage Concept بإسم Monocage هوّي عبارة عن تطوير لمفهوم Monocell يلّي سبق وإستخدم بنجاح ب MP4-12C والفئة Spider منّا. والمقاعد الرياضية بتأمّن ثبات السايق والراكب برفقتو، وVision منيحا للخارج. وتفاصيل ال Dashboard بتذكّر بفئة هال Supercar، مع تأمين سهولة تحكم بتجهيزات الراحة المتوفّرة بشكل كامل.

ميكانيكياً، بتستفيد McLaren P1 من Hybrid Powertrain بيجمع بين محرك بنزين V8 سعة 3,8 ليتر مع Dual Turbo من جهة، و Electric Motor من جهة تانية. وهالمحرك الكهربائي مطوّر من قبل قسم McLaren Electronics وبيتميّز بوزنو الخفيف، والأهم إنّو بولّد 176 حصان. وهال Horsepower بتنزاد على قوّة محرك V8 يلّي بتبلغ 727 حصان، ويلّي مأخود من MP4-12C. وبالنسبة لل Torque فهوّي بيبلغ 720 "نيوتن متر" بينضاف إلن 260 "نيوتن متر" لل Electric Motor. يعني بيوصل مجموع ال Mid-engine "الهجين" ل 903 أحصنة عند 7500 دورة بالدقيقة، ومجموع ال Torque أو العزم ل 900 "نيوتن متر"، مع التذكير إنّو في أجزاء من الطاقة الدافعة بتنهدر خلال عملية الدمج. 

وبتمّ نقل ال Horsepower الإجماليّة الضخمة، للإطارات الأربعة، من خلال 7 Speed Automatic Gearbox، مع Dual Clutch لمنع خسارة زخم التسارع بين نسبة ونسبة.

واللافت إنّو بإمكان ال Driver إختيار وضعيّة الدفع المرغوبة من قبلو، ويلّي فيا تكون عبر المحرك الحراري وحدو، أو عبر ال Electric Motor وحدو، أو حتى عبر ال Hybrid System بكامل ال Components تبعو. وال All Electric Range محدّدة ب 20 كيلومتر تقريباً، مع معدّل سرعة بيبلغ 50 كلم/س. أكتر من هيك، البطارية المثبّتة خلف ال Cabin، بتتشرّج خلال ساعتين بسّ، عبر Plug –in Equipment، مع إمكان إعادة تعبئتا أوتوماتيكياً خلال القيادة وعبر دوران ال Engine.

ومن ضمن التجهيزات المخصّصة لتحسين التوازن على السرعات العالية، Rear Wing بيتحرّك أوتوماتيكياً، وبيتمدّد تلقائياً بزاوية مختلفة حسب السرعة، ليأمّن ضغط أكبر على ال Rear Track، وليحسّن كمان الثبات العام لل P1 يلّي بيبلغ وزنا 1400 كيلوغرام تقريباً.  

وMcLaren P1 بتستفيد من 2 Features مأخودين مباشرة من ال Formula 1، الأوّل نظام IPAS يعني Instant Power Assist System المخصّص لتأمين Boost إضافي لل Acceleration من خلال إشراك ال Front Wheels بالدفع عبر ال Electric Motors. والتاني نظام DRS يعني Drag Reduction System يلّي بعدّل زاوية ال Rear Wing، لتأمين كبح إضافي عبر الإحتكاك بالهوا، بأسلوب كتير فعّال مستخدم من زمان بالطيّارات.

وبالختام، من الضروري التذكير إنّو P1 McLaren، يلّي رح تُنتج بمجموع 375 سيارة بسّ، هيّي "بطلة" بفيلم Need for Speed، وبكتير من ال Racing Games. وهيّي كمان حلم لكل شخص بحب ال Supercars، خاصة إذا كانت من إنتاج شركة عندا خبرة كتير كبيرة، متل McLaren. وخاصة إذا كانت أفضل تعبير عن ال Engineering Expertise يلّي بتتمتّع فيا McLaren. وعلى أمل نشوف P1 على طرقاتنا، منتمنّالكن قيادة آمنة حتى مع أقوى السيارات بالعالم!