من خلال الدرّاجة النارية C Evolution عم تفتح BMW صفحة جديدة بتاريخ التنقلات داخل المُدُن، باعتبار إنّو هال Bike كتير حلوة، وسريعة، وبتشتغل بالطاقة الكهربائية. وبتستفيد كمان من هيكل متين مع وزن خفيف بفضل إستخدام ال Aluminum.

التصميم كتير عصري وهوّي أقرب لشكل الدرّاجات الرياضيّة الكبيرة، مِنّو للدرّاجات الصغيرة أو ال Scooters. والخطوط ال Modern بتمتدّ من الإضاءة الأمامية لأقصى الجهة الخلفيّة، مع تموّجات إنسيابية، ومرايات مزوّدة بإشارات الإلتفاف أو ال Turning Signals.

وبيستفيد السايق من شاشة عرض TFT ملوّنة، بتعطي معلومات مفيدة منوّعة. ومن ضمن التجهيزات المميّزة مَسكات Steering مِدَفّاية، وإنارة LED بِتضَلّا مِضَوّاية بالنهار. 

بالنسبة لمحرك الكهربا يلّي بأمّن تحرّك C Evolution، فهوّي بولّد 47 حصان من دون التسبّب بأيّ تلوّث للبيئة. وبظروف القيادة العادية، بتأمّن البطارية المبرّدة بالهوا، عبور مسافة بطول مية كيلومتر تقريباً قبل الإضطرار لإعادة التعبئة من جديد. إشارة إنّو عمليّة إعادة شحن بطارية Lithium Ion بتمّ خلال 3 ل 4 ساعات تقريباً، من مخرج طاقة أو Socket بطاقة 220 Volt.  

والأداء كتير نشيط، مع قدرة على التسارع من صفر لخمسين كيلومتر بالساعة خلال 2,7 ثوان، ومن صفر لمية كلم/س. خلال 6,2 ثوان بسّ! وهال Performance الديناميكي، بتمّ من دون أيّا صوت هدير تقريباً. وال Braking سريع وفعّال، بفضل Discs مزدوجة قياس 270 ميلليمتر.      

وبتستفيد درّاجة C Evolution من نظام متطوّر، بحوّل الإحتكاك الناتج عن الكبح  لطاقة كهربائية، وهالتقنية إسما Regenerative Braking. 

وبإمكان السايق إختيار أكتر من وضعيّة قيادة، متل ال Road Mode المخصّصة للطرقات العادية، وال Echo Pro Mode المخصّصة لتوفير إستهلاك البطارية لأطول فترة ممكنة، وال Dynamic أو وضعية الدفع الديناميكيّة يلّي بتنشّط الأداء على حساب مخزون البطارية.

أكتر من هيك، هالدرّاجة الكهربائية من BMW مزوّدة بنظام بإسم TCA مخصّص للتحكم بعزم الدوران، بشكل بعزّز الثبات أوتوماتيكياً من خلال تخفيف ال Torque الموجّه للإطار الخلفي عند إنزلاقو.