Aston Martin Virage Dragon 88 Limited Edition
صحيح إنّو Aston Martin هيّي من بين صانعي السيارات الفاخرة والرياضيّة بامتياز، ولكن بعض الزباين ما بيرضوا إلا بالأفضل، وبقمّة التمايز. وهالمواصفات بتنطبق على Dragon 88 Limited Edition يلّي هيّي عبارة عن Special Version تقدّمت من معرض Beijing، بمناسبة "سنة التنين" أو Year Of The Dragon، بحسب المعتقدات الصينيّة.
وهالفئة المميزة من Aston Marton رح تُنتج بمجموع 88 سيارة، متل ما بدلّ إسما، بهدف الحفاظ على ال Exclusivity، ورح تتوفّر ل Virage، وكمان لسيارات متل DBS و V8 Vantage S، طبعاً بسعر أغلى من سعر مبيع الفئات العادية أو ال Standard Versions.
وكل نسخة من Aston Martin Virage Dragon 88 Limited Edition رح تستفيد من Painting خاص، من بين تلات ألوان جديدة مستوحاة من الفنون الصينيّة التقليدية. وهالألوان هيّي: Volcano Red أو "الأحمر البركاني" يلّي بيرمز للون شهب النار يلّي بيخرج من فمّ التنين! و Amethyst Red أو "الأحمر الأرجواني" يلّي بيرمز للصحّة والسلام والحماية والمبادرة! وال Champagne Gold أو "الدهب الشمباني" يلّي بيرمز للغِنى والثروة والترف.
والأهم إنّو كل سيارة رح تحمل توقيع الصانع عبر شعارات مدهّبة 24 Carat ل Aston Martin Wing Badges، على مستوى ال Hood الأمامي وال Trunk الخلفي، بشكل بعزّز الفخامة والتمايز.
وداخل Aston Martin Virage Dragon 88 Limited Edition الألوان المتوفّرة لل Cabin، بتشمل الأحمر أكان Spicy أو Chancellor أو الأرجواني. والزخرفة الداخلية هي بلون Piano Black، مع Headrests مزيّنة بلون ال Dragon، ومع تطريز دهبي لبعض ال Components. وإلى جانب مقعد ال Driver ، وعند فتح الباب، منلاحظ Badge بتأكّد الطابع الفريد والمميّز لهالفئة.
وبالرغم من إنّو ال Dragon هوّي عادة رمز للقوة والسُلطة بالثقافة الصينيّة، ما في تغيير للتجهيزات الميكانيكية أو لل Engine ب Aston Martin Virage Dragon 88 Limited Edition.
لكن هالشي، ما رح يمنع المستهلكين الأثرياء، من إنّو يحلمو بقيادة هالفئة المميّزة من سيارة الشركة البريطانية العريقة، لمجرّد الشعور بالتمايز على مستوى ال Design، ولمجرّد تحسّس ال Day Dreaming يلّي بمثّلا ال Chinese Dragon!