عطول بواجه الصانعين مشكلة باستبدال سيارة ناجحة وبتنباع بأعداد كبيرة. وهالشي بينطبق على Cadillac CTS يلّي بسبب متطلّبات المنافسة، خضعت للتطوير ولكن من دون تبديل ال Concept الأساسي تَبعا. ومنذكّر إنّو من تاريخ تقديما سنة 2003، لعبت CTS دور مهم تمثّل بتقديم خيار جديد للمستهلكين بين ال Compact وال Mide-size Luxury Segments. وهال Sedan الفخمة، ويلّي بتستفيد من Rear-wheel-drive نادر الإستخدام ضمن سيارات Cadillac، سجّلت أرقام مبيعات كتير مرتفعة بأوّل Two Generations منّا.

 وCTS Sedan 2014 يعني الجيل التالت من هال Sedan، بيهدف لمتابعة النجاح، والأهمّ لمواصلة تغيير  نظرة ال Customers للسيارات الأميركانيّة. ومتل ما إنّو الهدف من Cadillac ATS لصغيرة منافسة BMW 3 Series و Mercedes C Class، الهدف من CTS منافسة ال 5 Series وال E Class. 

بالنسبة لل Design، الواجهة الأمامية ل CTS الجديدة، من أجمل ما قدّمتو Detroit على مستوى التصميم من سنين طويلة. وال Grill الضخم بشكّل أساس هالواجهة، مع Air Vents وLED lamps بكمّلو الخطوط الإنسيابية. والجوانب مَنُن Aggressive متل المقدّمة، ولكن Practical مع إهتمام بالفخامة. ومنلاحظ إنّو ال Side-view mirrors كتير صغار، لضرورات ال Aerodynamics بحسب توضيحات المهندسين. أمّا ال Alloy Wheels فهنّي قياس 17 أو 18 أو حتى 19 "إنش" مع Run-flat Tires. ومن الجهة الخلفيّة، التصميم وَفِي ل Cadillac بالإجمال، ولل Previous Generations من CTS بالتحديد، مع لمسات رياضية متفرّقة، خاصة على مستوى ال Exhaust. 

وداخل ال Cabin المساحات المتوفّرة لركّاب Cadillac CTS 2014 كتير واسعة، وبتنافس أهمّ سيارات Sedan الألمانية، مع الإشارة إنّو طول هال Sedan زاد بمقدار 10 CM. وعم نحكي عن 2746 Liter من ال Passenger Room، إضافة لصندوق بحجم 388 Liter. والأهم إنّو الهدوء كتير مميّز داخل ال Cockpit، مع Ride كتير ناعم، على مختلف أنواع الطرقات، علماً إنّو ال Platform الجديد كتير خفيف ومتين بنفس الوقت. ومن ضمن مواصفات الفخامة، قطع من الخشب، وزينة من الكروم، وLeather Trim، وغيرا من ال Luxurious Touch. وبتأمّن المقاعد راحة جلوس عالية، وثبات كبير لأجسام الركاب بمختلف ظروف القيادة. وبالنسبة لتصميم ال Dashboard فهوّي منّو كلاسيكي، ولكن Fully-Digital، مع تركيز على ال Center Console يلّي بيتمتّع بتصميم رياضي جريء. والأهم إنّو المهندسين ما إستخدموا أزرار أو Buttons تقليديّة، ولكن أكتر Touch Sensitive Depressions. ومن ضمن ال Features المميّزين System CUE Touch-screen infotainment، و10 Airbags، و Bose Audio System، وأنظمة تحكم كهربائي بوضعيات ال Seats مع Memories لحفظ الخيارات.      

منذكّر إنّو CTS 2014 بتتوفّر بخمسة Trim Levels ، بتتدرّج من ال Standard مروراً بال Luxury وال Performance وال Premium، وصولاً ل Vsport Premium الأفخم والأقوى والأغلى ويلّي هيّي Version جديدة كلياً. والسعر بزيد بفارق كبير، بين مجموعة هالفئات، حسب المواصفات المطلوبة من قبل ال Customers.

ميكانيكياً، ال Base Engine مأخود من ATS، وهوّي 4 Cylinders بسعة 2 Liter مع Turbo، بولّد 276 حصان، مع Transmission 6 Speed Automatic.  ومن الممكن إختيار 3,6 Liter V6 Engine بقوّة 330 حصان، قادر يأمّن تسارع CTS من صفر لمية كلم/س. خلال 6,3 ثوان. وقدرات ال Acceleration بتتعزّز بفضل 8 Speed Automatic Transmission. والخيار الأقوى متوفّر مع الفئة Vsport . وبمجرّد ما نشوف هال Badge، يعني عم نحكي عن 3,6 Liter V6 Engine مع  Twin Turbochargers بقوّة 420 حصان، مع Torque بيبلغ 577 "نيوتن متر". وبفضل ال Weight Savings تحسّنت قدرات التسارع بشكل واضح. وصار من الممكن التسارع من صفر لمية كيلومتر بالساعة خلال 4,4 ثوان. وبفضل Disk Brakes من تطوير Brembo سيطرة السايق على الأداء كتير عالية. واللافت إنّو CTS بتتوفّر حسب الفئة مع نظام Rear-Wheel-Drive أو All-Wheel-Drive.

ومع تجهيزات إلكترونية للتحكم بالثبات والتماسك، بتكمّل عمل ال Suspensions Components، ال Balance كتير مميّز. واللافت إنّو توزيع الوزن أو ال Weight Distribution هوّي بنسبة 50 – 50 % بين الجهتين الأماميّة والخلفيّة. وبهدف تحسين التوازن أكتر وأكتر، من الممكن إختيار نظام كتير متطوّر لل Suspensions بإسم Magnetic Ride Control، بيضبط حركة ال Dampers إلكترونياً خلال أعشار من الثانية الواحدة، بحسب متطلّبات حركة السيارة وتموّج ال Body. وهالشي بيتزامن مع التحكم إلكترونياً كمان بال Limited Slip Differential.

وبشكل عام، ال Performance يلّي بتأمّنو CTS 2014 بيفتح صفحة جديدة بأداء سيارات Cadillac، خاصة على مستوى الديناميكية والتحكم يلّي صاروا كتير قريبين من السيارات الألمانية المنافسة. ومنذكّر إنّو هدف Cadillac CTS 2014 على مستوى الأداء الديناميكي، ما بقلّ عن منافسة أهمّ سيارات Sedan الفخمة والرياضية، متل BMW 5 Series مثلاً.

ك Conclusion، فينا نقول إنّو التحسينات كتير كبيرة بالنسبة ل Cadillac CTS 2014، على مستوى التصميم والتجهيزات والأداء. وكل هال Improvements رح بساعدو هالسيارة الأميركانية على منافسة أهمّ السيارات الألمانية الفخمة والديناميكيّة، أكتر وأكتر، بشكل بخلّي إختيار Cadillac أو BMW أو Mercedes مجرّد خيار شخصي، لأنّو المواصفات بين هالشركات صارت كتير متشابهة.