مِتِل G35 و G37 من بعدا، بتمثّل Infinity Q50 S التطوّر الطبيعي ل Sedan فخمة ورياضية بتندفع بالإطارات الخلفيّة. وإذا كانت مجموعة طرازات Q50 بتضمّ 7 Models مختلفة، الفئة S بتمثّل النسخة الأقوى والديناميكية أكتر. وهالشي ظاهر على مستوى الشكل، ومترجم بشكل خاص بالمضمون، علماً إنّو ال Platform المستخدمة، مشتركة مع Nissan 370 Zوغيرا.
بالنسبة للتصميم، أبرز المُميّزات الخاصة ب Q50 S، مُقارنة ب Q50 العادية، بتضمّ واجهة أماميّة مختلفة، وWheels قياس 19 "إنش" من الخارج، ومقاعد رياضية بتحكم كهربائي للوضعيّة وPaddles لتبديل النسب مَصنوعين من ال Magnesium من الداخل. وبيشعر السايق داخل ال Cockpit بالراحة، خاصة إنّو كل الزرار وال Buttons موزّعين بشكل عملاني. ومن ضمن التجهيزات الجديدة، نظام ترفيه متطوّر بيستخدم تقنية InTouch للتحكم باللمس، مع شاشات عرض من الحجم الكبير، وحدة منن مخصّصة للملاحة أو ال Navigation ولبرمجة معايير حركة Q50 S، والتانية مخصّصة للتحكم بتشغيل المكيّف وجهاز الموسيقى والتواصل الرقمي. ومنذكّر إنّو Honda كانت سبّاقة باستخدام شاشتين فوق بعضن، مع Accord الجديدة.
وميكانيكياً، بتستفيد Infinity Q50 S من محرك V6 سعة 3,7 ليترات، المعروف ضمن الشركة، ويلّي بولّد 328 حصان. ومن ضمن التجهيزات القياسية، Gearbox أوتوماتيكيّة من سبع نسب، بتنقل الطاقة للإطارات الخلفية، مع إمكان إختيار نظام الدفع الرباعي إضافياً. وتمّ إستخدام مكابح بفعالية كبيرة بتتجاوز فعالية ال Brakes المستخدمين بالفئة العادية. وبالنسبة لل Suspensions المستقلّين بالجهات الأربعة، فهنّي بيستفيدو من تقنيات بتلعب دور مهمّ بتعزيز الثبات والتماسك.
وفينا نقول، إنّو مع Q50 S، حقّقت Infinityتطوير كتير كبير مقارنة بطرازات G السابقة، ضمن الفئة Sedan الرياضية – الفخمة. وهالشي رح يسمحلا تنافس بقوّة سيارات كتيرة من إنتاج BMW و Audiوغيرن.
بالإنتقال للفئة Hybrid من Q50 S فهيّي بتستفيد من تصميم مشابه ل Q50 Sالعادية، وكمان من مختلف تجهيزات السلامة والراحة فيا. وتمايزا بيتركّز خصوصاً على محرك هجين، وعلى تدخّل مجموعة من التجهيزات الكهربائية والإلكترونية خلال القيادة.
تصميمياً، ما بتختلف Q50 S Hybrid كتير مقارنة بال G Models السابقة، وبتتميّز برفاريف عالية من الجوانب مع غطا أمامي منخفض. وشبكة التهوية أو ال Grill إحتفظ بشكلو، مع إنّو ببَيّن ظاهرياً بارتفاع أقل. وفتحات تبريد الهوا بتتمتّع بشكل هجومي، بيتعزّز من خلال ال Spoiler. والإنارة مزوّدة بمصابيح LED كتجهيز قياسي.
وداخل ال Cabin، وإلى جانب الفخامة المترجمة من خلال الجلد والخشب والكربون، الأبرز أكيد ال Infotainment Interface الجديد المتوفّر كمان ب Q50 S، علماً إنّو هوّي عبارة عن نظام رقمي بيستخدم شاشات ملوّنة متطورة بتشتغل باللمس للتحكم بكتير من تجهيزات الراحة والترفيه.
ميكانيكياً، تمّ إضافة محرك كهربائي بقوّة 67 حصان، لل V6 Engine سعة 3,5 ليترات يلّي بيشتغل بالبنزين بقوّة 302 حصان. وبعد دمج المحركين بنظام دفع Hybrid، وإحتساب القوّة المهدورة، إرتفعت الطاقة الحصانية ل 360 حصان. وهالشي سمح بتأمين أداء كتير قوي، خاصة إنّو ال Gearbox الأوتوماتيكيّة من سبع نسب، ويلّي بتنقل ال Horsepower للإطارات الخلفيّة، بتعزّز ديناميكية الحركة، بفضل سرعة الإنتقال بين نسبة ونسبة، وكمان نتيجة البرمجة "الذكية" يلّي بتستفيد منّا.
ومن الضروري الإشارة إنّو إنطلاق Q50 S Hybrid ببلّش بشكل رايق، متلو متل القيادة بسرعات منخفضة، باعتبار إنّو إذا كان الضغط على ال Pedal خفيف، بتم تشغيل المحرك الكهربائي وحدو. وبمجرّد زيادة الضغط على البنزين، بيتدخّل محرك V6، لترتفع القوة والسرعة بطبيعة الحال. والتسارع من صفر لمية كيلومتر بالساعة خلال 5,1 ثانية، رقم مهمّ لسيارة هجينة. وبالنسبة لمعدّل إستهلاك البنزين، فهوّي بيتراوح بين 7 و9 ليترات لكل مية كيلومتر، حسب طبيعة الطريق، وأكيد حسب أسلوب القيادة. وهالأرقام كتير منيحة، لأنّو عم نحكي عن سيارة Sedan من الحجم الكبير، ومزوّدة بمجموعة واسعة من التجهيزات الفخمة، يعني وزنا منّو منخفض. والمميّز إنّو بإمكان السايق الإختيار بين خمس وضعيات قيادة أو Driving Modes مختلفة، هنّي إضافة للعادية، وضعيّة إقتصادية، ووضعية رياضية، ووضعيّة مخصّصة للطرقات المبلّلة، ووضعيّة التحكم الشخصي يلّي بتسمح لل Driver بالتدخّل ببرمجة عمل بعض التجهيزات.
وبفضل بطارية Lithium Ion، من الممكن عبور مسافة بطول 80 كيلومتر بوضعيّة الدفع الكهربائية EV. وبترتفع هالمسافة لحدود 320 كيلومتر خلال عمل المحرك الهجين ككل.
ومن ضمن التجهيزات الإلكترونية المتطوّرة، Drive-By-Wire Steering بيستخدم نظام إلكتروني لتأمين الإلتفاف، بدلاً من الأنظمة الهيدروليكية وحتى الكهربائية المعروفة. وبيبرز كمان نظام متطوّر مخصّص للتحكم إلكترونياً بنسبة الكبح على كل إطار خلال إستخدام ال Brakes داخل المنعطفات. وبالتالي، ما في أيّا مشكلة بتشغيل المكابح بال Corners، باعتبار إنّو Q50 S Hybrid بتضلا محافظة على خط سيرا بشكل كتير لافت. أكتر من هيك، من الممكن إضافياً الإستفادة من نظام لكشف السيارات إلى جوانب Q50 S Hybrid، ومن نظام تاني للتحكم إلكترونياً بالمسافة الفاصلة مع السيارات قدّاما، مع تشغيل تلقائي لل Brakes. والتجهيزات الإضافية بتضمّ كمان نظام تحذير من الخروج عن خط المسار.