نديم مهنا يقوم بتجربة قيادة آخر مولود لفيراري: 488 سبايدر 2016

من: فيراري | 05 تشرين الثاني ، 2015 01:11 م
نديم مهنا يقوم بتجربة قيادة آخر مولود لفيراري:  488  سبايدر 2016
Advertisement
Photos Photos
Related photos (24)

متل ما Ferrari 488 GTB إجت لتاخد محلّ Ferrari 458 Italia، عَم تِجي 488 GTB Spider الجديدة لتاخد محلّ 458 Spider، لتصير الخيارات أوسع وأكبر قِدّام محبّي ال Supercars من إنتاج هالشركة الإيطالية العريقة.  

وفينا نقول إنّو تحويل 488 GTB من Coupe ل Spider ما نتج عنّو إضافة وزن كتير كبير، بالرغم من إضافة بعض قضبان الحماية للهيكل ولجسم هال Ferrari للتعويض عن غياب السقف الثابت. وبهالإطار بزيد وزن Spider بمقدار 50 كيلوغرام بسّ مُقارنة بال Coupe، وبخفّ بمقدار 10 كيلوغرام مُقارنة ب 458 Spider. والفضل بهالشي بيرجع لإستخدام المَغنيزيوم و11 نوع مختلف من الألومنيوم. ومُقارنة ب 458 Spider السابقة، زادت فعاليّة هيكل 488 Spider بنسبة 23 %. ومميّزات هال Spider الجديدة بتشمل كمان تمتّعا بإنسيابيّة متفوّقة خلّتا تصير أفضل Spider من إنتاج Ferrari على مستوى ال Aerodynamics.

 

بالنسبة للتصميم فهوّي بيحكِي عن حالو مع تموّجات من مختلف الزوايا والجوانب بتأكّد الإنتماء للفئة الرياضيّة بامتياز، متلا متل القياسات العامة، لجهة العرض الواضح يلّي بيبلغ 195 سنتيمتر والإنخفاض لكبير يلّي بيبلغ 121 سنتيمتر. ومن بين الفروقات المحلوظة مع Coupe بتستفيد Spider من غطاء للمحرك مع فتحات للهوا، بدلاً من الإزاز الخلفي الكبير بالفئة المسقوفة. ومن ضمن المميّزات التصميميّة يلّي بتعطي هال Spider شكلا الجذّاب، قضبان حماية مصنوعة من الحديد الصلب مثبّتة بطريقة مخفيّة مغ أغطية جذّابة خلف مساند الرأس أو ال Headrests.

 

ومن الضروري الإشارة إنّو السقف المتحرك المُستخدم ب 488 GTB Spider صلب ومَنّو مصنوع من القماش، وبالرغم من هالشي بخفّ وزنو بمقدار 25 كيلوغرام مُقارنة بسقف القماش بحسب Ferrari، وهوّي بأمّن عزل صوتي وحراري كبير داخل المقصورة. وبيحتاج هالسقف يلّي بيتكوّن من جزئين وبتمّ التحكّم بوضعيتو كهربائياً ل 14 ثانية لفتحو أو لإغلاقو، وهوّي بينضبّ بطريقة ذكيّة بمكان صغير مخصّص لهالشي خلف المقاعد. واللافت إنّو وزن هالسقف المتحرك بقلّ عن سقف مُشابه مصنوع من القماش.

 
 

والجمال الخارجي ل Ferrari 488 GTB Spider بيترافق مع جاذبية كتير عالية داخل المقصورة بفضل التصميم الرياضي للمقاعد وال Steering ولوحة القيادة أو ال Dashboard ككل، مع كونسول وسطي بيقتصر على التجهيزات الضرورية وبيتمتّع بشكل ديناميكي. وأكيد إنّو كل تجهيزات الراحة والسلامة يلّي بتتوفّر عادة بسيارات Ferrari موجودة داخل Cabin هال Spider الجديدة.

 

وبيستفيد سايق هال Spider من إزاز خلفي صغير بتمّ التحكّم في بشكل مُستقلّ عن السقف، ومن المُمكن تحديد إرتفاعو من بين تلات خيارات مختلفة حسب الرغبة، لجهة منع صفير الهوا، أو السماح بدخول صوت المحرك لداخل المقصورة.

 

ميكانيكياً، ما بتختلف Spider الجديدة عن ال Coupe، وبتستفيد من نفس المحرك V8 بسعة 3,9 ليترات مع Turbo بولّد 670 حصان، و760 "نيوتن متر" إعتباراً من 3,000 دورة الدقيقة. ولتأمين أفضل فعاليّة لهالمحرك تمّ إستخدام Transmission أوتوماتيكية من سبع نسب مع Clutch مزدوج، شبيهة بعملا وبسرعة تعشيقا بال F1 Gearbox.   

بالنسبة للأداء، التسارع ب  Ferrari 488 GTB Spider 2016 يلّي بيبلغ وزنا فارغة 1420 كيلوغرام، من سرعة صفر لمية كيلومتر بالساعة، بتمّ خلال 3 ثوان، يعني بنفس التوقيت يلّي بتسجّلو ال Coupe من 488 GTB. وبإمكان ال Spider التسارع من صفر لميتين كلم/س. خلال 8,7 ثواني، بتأخير طفيف مقارنة بال Coupe يلّي بتنفّذ نفس المناورة خلال 8,3 ثواني. وبالنسبة للسرعة القصوى، فهيّي بتبلغ 327 كلم/س. لل Spider كمان بفارق كتير طفيف مع ال Coupe يلّي بتوصل سرعتا القصوى ل 330 كلم/س. وبحسب Ferrari تسارع 488 GTB Spider النشط لحظة الخروج من المُنعطف أو ال Corner صار يتمّ بسرعة بتزيد بنسبة 12 %  مُقارنة ب Spider السابقة.   ..

وباختصار، أكيد إنّو Ferrari 488 GTB Spider بتملك كلّ المُواصفات الضرورية لمنافسة نخبة السيارات بفئتا، من مستوى McLaren 650s Spider، و Lamborghini Huracan LP 610-4 Spider وغيرن كمان.  

والجدير بالذكر أن 488 GTB Spider ستعرض ​على منصة فيراري في معرض دبي الدولي للسيارات 2015
 
Advertisement
/
2016 Ferrari 488 Spider
Play Play
Previous
Next
Advertisement
QUICK CAR FINDER
find car
find car
2024 Ferrari 296 GTB Hybrid
From Novitec
28 March 2024, 03:54 PM
View All
Wheel

What would you like to drive?

Who knows? Maybe MotorShow can help
submit
submit
Advertisement
مقارنة بين هينيسي فينوم 800 سوبر تشارج فورد أف150 وجيب جراند شيروكي تراك هوك
MotorShow
MotorShow
مقارنة بين هينيسي فينوم 800 سوبر تشارج فورد أف150 وجيب جراند شيروكي تراك هوك
مقارنة بين هينيسي فينوم 800 سوبر تشارج فورد أف150 وجيب جراند شيروكي تراك هوك
arrow up
Back to top
close
Follow us
MotorShow Middle East: We test-drive all types of cars and vehicles from all over the world and review about motoring technology for the Middle-East. At MotorShow.me you’ll find thousands of Photos and Videos covering the Automotive Industry, ranging from New Models, Super Cars, Motorcycles, Classics, to Formula 1, in addition to Boats, Planes, Hi-Tech and Road Safety, all of it brought to you by Automotive Engineer and Film Director Nadim Mehanna and his specialized MotorShow Team.
show site map
NMPRO all rights reserved – COPYRIGHT 2024 NMPro
SITEMAP