هيونداي سنتنيال 2016 تصميم راقي مع مقصورة داخلية فخمة

من: هيونداي | 10 كانون الأول ، 2015 02:12 م
هيونداي سنتنيال 2016 تصميم راقي مع مقصورة داخلية فخمة
Advertisement
Photos Photos
Related photos (54)

Hyundai Centennial بحسب التسمية المُعتمدة بأسواق الشرق الأوسط، أو Equus متل ما بسمُّوَا بكتير من الأسواق العالمية متل أميركا وكندا والصين وروسيا وكوريا وغيرا، هيّي بكل بساطة أكبر وأفخم وأغلى سيارات هالشركة الكوريّة. والجيل الأوّل مِنّا، إنطلق سنة 1999، وبقي بالأسواق 10 سنين قبل تقديم الجيل التاني سنة 2009، ويلّي خضع بدورو لتحسينات كبيرة خلال سنوات خدمتو، خاصة سنة 2013، علماً إنّو بنافس ضمن فئة سيارات Sedan الكبيرة والمترفة وحتى الفئة Limousine.     

 

التصميم العام ل Centennial بيعكس طابع فخم كتير، مع قياسات كبيرة وطول بيبلغ 516 سنتيمتر، وحضور بيفرض حالو على الطريق. والخطوط رصينة وإنسيابيّة بنفس الوقت، مع لمسات جماليّة ومترفة منوّعة، متل الكروم على مستوى شبكة التهوية وغطاء الصندوق يلّي بيفتح بتحكم كهربائي، ومع لمسات رياضية واضحة متل الرفاريف النافرة وفتحات ال Exhaust وعواكس الهوا أو ال Spoilers. ومن ضمن التجهيزات المميّزة تصميمياً، مصابيح إضاءة LED مع إنارة أماميّة "متأقلمة"، بمعنى إنّا بتتحرّك بتحكم أوتوماتيكي حسب السرعة وطبيعة الطريق، لتأمين أوسع مجال إنارة أمام السايق خاصة داخل المنعطفات.   

بالنسبة لمقصورة Hyundai Centennial المواصفات والتجهيزات بتِحكي عن حالا، وما بعود في لزوم لتأكيد الفخامة والترف المتوفّرين للركّاب! الجلد المُستخدم من أفضل النوعيّات، متلو متلو كل المكوّنات الداخلية يلّي بتتميّز بجودتا العالية، إن كان القطع المصنوعة من الخشب أو الكروم أو غيرا. ولوحة القيادة أو ال Dashboard كتير عصري وفخم، مع بروز شاشة العرض يلّي صار يبلغ حجما 12,3 إنش، وهالحجم يلّي بيترافق مع صورة كتير نقيّة، بيتفوّق على حجم شاشات العرض المتوفّرة بأهمّ سيارات Sedan المنافسة. والمقاعد كتير مترفة ومريحة، مع تحكم كهربائي بيسمح بتعديل وضعيّة الجلوس حسب رغبة كل راكب مع أنظمة تهوئة داخلية. 

 

وتجهيزات الترفيه كاملة وبتلبّي كل مُتطلّبات السايق والركّاب، مع إهتمام بأدقّ التفاصيل. المُكيّف بيستفيد من تحكم إلكتروني بدرجات الحرارة مع إمكان إختيار تلات درجات منفصلة ومستقلّة بنفس الوقت. نظام الترفيه الموسيقي بيتمتّع بنقاوة عالية، مع قدرة على تشغيل ملفّات MP3 وعلى التواصل مع ال iPod وغيرا من التجهيزات الإلكترونية. وبيبرز نظام Lexicon المميّز كتير بنقاوتو العالية مع 17 مُكبّر صوت أو Speakers بقوّة 608 "وات". وما مِننسى كمان مخرج USB وتقنيّة Bluetooth. والتحكم الكهربائي كامل بفتحة السقف، وبالمرايات المزوّدة بنظام تسخين لإزالة الغشاوة، وكمان بالنوافذ مع إمكان فتحا وإغلاقا بلمسة وحدة. ومن الممكن الإستفادة من علبة تخزين داخلية مع هوا بارد أو ساخن حسب الحاجة.

ومن ضمن مميّزات المقصورة أو ال Cabin، ألواح من الزجاج بتتضمّن مواد خاصة لعزل الأصوات والحرارة الخارجيّة، مع ألوان داكنة بالخلف. ولزيادة الخصوصيّة، بتبرز الستاير يلّي بتمّ التحكّم بوضعيّتا كهربائياً.   

 

ولتعزيز سيطرة السايق على الأداء، والحفاظ على تركيزو على الطريق، تم إستخدام أزرار تحكم بالمقود، ونظام ملاحة "ذكي" (Smart Cruise Control)، ونظام عرض معلوماتي رقمي على الجزء الداخلي من الإزاز الأمامي (Head Up Dispaly).  وإذا كانت وسايد الهوا أو ال Airbags موجودة بكترة بالمقصورة مع مجموع 9 وسايد، وحدة منّا مخصّصة لإجرين السايق، وأحزمة الأمان مزوّدة بنظام شدّ إستباقي، بهدف توفير الحماية القصوى في حال وقوع حادث إصطدام، بتتميّز Centennial بكتير من التجهيزات الإلكترونية يلّي بتساعد السايق على تجنّب الحوادث. ومِنّا متلاً نظام كشف المخاطر المحيطة بالسيارة (Blind Spot Detection). من جهة تانية، ولتسهيل عمليّة ركن Centennial بيستفيد السائق من نظام كاميرات كامل مع أجهزة تحسّس أو Sensors كتير دقيقة.

ميكانيكياً، ما في مساومة أبداً من قبل Hyundai يلّي إختارت V8 Engine بسعة 5 ليترات من فئة TAU، بولّد 424 حصان، مع عزم دوران بيُوصل لحدود 510 "نيوتن متر" عند 5000 دورة بالدقيقة. وببعض الأسواق، من الممكن إختيار محرك V6 سعة 3,8 ليترات بأمّن كمان قوّة حصانية كتير عالية.

وفعاليّة محركV8  يلّي كان نجح بالفوز بجايزة أفضل عشر محركات بالعالم لتلات سنوات على التوالي، بتكتمل مع ال Transmission الأوتوماتيكيّة من 8 نسب أماميّة، ويلّي بتتميّز بنظام تبديل للسرعات بتحكم إلكتروني ومش ميكانيكي أو (Shift By Wire)، بشكل زاد الدقّة وحسّن سرعة الإنتقال بين نسبة ونسبة. واللافت إنّو بإمكان السايق إختيار وضعيّة الدفع الرياضيّة لتبديل برمجة هال Gearbox يلّي تقدّمت سنة 2012، لتصير أسرع وأنشط.

 
 

ويُعتبر أداء Hyundai Centennial يلّي بزيد وزنا على 2000 كيلوغرام، كتير قوي، وبنفس الوقت كتير سلس، وبيشعر السايق خلف ال Steering بالسيطرة والتحكم، وبوجود طاقة كبيرة بتصرّفو. وإضافة لل ABS بتستفيد المكابح من نظام توزيع إلكتروني لقوّة الكبح على كل إطار بشكل مدروس بيمنع الإنزلاق. وهالشي بيتعزّز من خلال نظام ESC للتحكم الإلكتروني بالثبات.

ومن ضمن التجهيزات لكتير متطوّرة ومهمّة، نظام تعليق بيشتغل بضغط الهوا مع تحكم إلكتروني لدرجة القساوة ولنسبة الإنغلاق، مع تعديل مستمر للارتفاع بغض النظر عن عدد الركاب وعن وزن الحمولة المنقولة. وهال Air Suspension بتتميّز بمكوّنات بتتمتّع بجودة كتير عالية وبفعالية أداء كتير مهمّة، عرّفت عنّا Hyundai بإسم HPD أو High Suspension Performance Damper. وبيكتمل التواصل السلس لل Suspension بالطريق من خلال إطارات كبيرة قياس 19 إنش، مع دواليب رياضية عريضة.  

وبالنهاية، وإذا كان في حدن بعد ما إقتنع بتفوّق Hyundai Centennial بفئتا، خاصة عند إعتماد مبدأ "السعر – الجودة"، من الضروري نذكر إنّو بيع هالسيارة الفخمة كتير والمتطوّرة كتير، بيترافق مع برنامج كفالة راقي لأقصى الدرجات، بإسم  Hyundai Premium Assurance Plus + بيتميّز بتوفير خدمات صيانة كاملة لمدّة خمس سنوات أو لمسافة مية ألف كيلومتر، مع خدمة مساعدة على الطريق، ومع صيانة حد البيت، للفترة نفسا. وبتتضمّن هالكفالة ضمان غير محدود لمُكوّنات Centennial، وخدمة إستشارية مفتوحة زمنيّاً، وإمكان إعادة بيع السيارة من دون ما تفقد من قيمتا. ومن الضروري التذكير كمان إنّو Hyundai Centennial نجحت بالفوز بكتير من الجوايز التقديريّة المهمّة، بالشرق الأوسط وبالولايات المتحدة الأميركيّة وبالعالم، على مستوى السلامة والفخامة والتكنولوجيا المتفوّقة والقيمة مقابل السعر. 

Advertisement
/
2015 Centennial
Play Play
Previous
Next
Advertisement
QUICK CAR FINDER
find car
find car
2024 Polestar 4
From Polestar
29 March 2024, 01:35 AM
View All
Wheel

What would you like to drive?

Who knows? Maybe MotorShow can help
submit
submit
Advertisement
مقارنة بين هينيسي فينوم 800 سوبر تشارج فورد أف150 وجيب جراند شيروكي تراك هوك
MotorShow
MotorShow
مقارنة بين هينيسي فينوم 800 سوبر تشارج فورد أف150 وجيب جراند شيروكي تراك هوك
مقارنة بين هينيسي فينوم 800 سوبر تشارج فورد أف150 وجيب جراند شيروكي تراك هوك
arrow up
Back to top
close
Follow us
MotorShow Middle East: We test-drive all types of cars and vehicles from all over the world and review about motoring technology for the Middle-East. At MotorShow.me you’ll find thousands of Photos and Videos covering the Automotive Industry, ranging from New Models, Super Cars, Motorcycles, Classics, to Formula 1, in addition to Boats, Planes, Hi-Tech and Road Safety, all of it brought to you by Automotive Engineer and Film Director Nadim Mehanna and his specialized MotorShow Team.
show site map
NMPRO all rights reserved – COPYRIGHT 2024 NMPro
SITEMAP