بالصور: تعرف على سيارة مرسيدس جي ال اي كلاس 2016

من: مرسيدس بنز | 31 كانون الأول ، 2015 02:12 م
بالصور: تعرف على سيارة مرسيدس جي ال اي كلاس 2016
Advertisement
Photos Photos
Related photos (2)

من خلال GLE Class الجديد كليّاً، عَم بتقدّم Mercedes بديل كتير عصري للفئة M، مع تحسينات كبيرة على مُستوى التصميم، ومع تطوير للمقصورة، وتوسيع خيارات المحركات الحديثة الموضوعة بتصرّف المستهلكين. ومتل ال M Class، GLE الجديد بيستهدف القيادة بالمدن والضواحي بالدرجة الأولى، بالرغم من تمَتُعَو بقدرات عبور مهمّة على الطرقات الوعرة، مع إمكان إختيار ال Off-Road Package يلّي بتستفيد من تعديلات بتناسب الطرقات الوعرة بشكل خاص.

بالنسبة للشكل العام، Mercedes GLE بيتمتّع بحضور قوي على الطريق، ما خَرَج كتير عن الطابع الكلاسيكي والفخم لسيارات SUV الألمانيّة، ولكنّوا صار يتمتّع بطلّة عصريّة وجذّابة مع لمسات ديناميكيّة واضحة. وفينا نقول إنّو رئيس قسم التصميم Gorden Wagener وفريق عملو غَيّرو الواجهة الأماميّة بشكل كامل، ودخّلوا تحسينات كبيرة على الجزء الخلفي، خاصة على مستوى مصابيح الإضاءة يلّي صارت عصريّة أكتر وأجمل من السابق، مع تعديلات للصادم أو ال Bumper، بينما التغييرات من الجوانب مَنّا كتير كبيرة.

وداخل مقصورة GLE الجديد، صارت المكوّنات أفخم من السابق وبتُوحي بإنّا أغلى على مُستوى السعر. وتمّ إدخال تعديلات على لوحة القيادة أو ال Dashboard يلّي صارت عصريّة أكتر وبتتمتّع بطابع رياضي جذّاب. وبسبب تغييرات بالكونسول الوسطي، وكنتيجة طبيعيّة لكبر حجم شاشة العرض، تِعدّل موقع فتحات الهوا الخاصة بالمكيّف. والأكيد إنّو مستوى الراحة والعملانية كتير مرتفع مُقارنة بباقي السيارات ضمن الفئة نفسا.

إشارة إنّو طول قاعدة الإطارات أو ال Wheelbase ما تغيّر مُقارنة ب ML، ولكن الطول العام ل GLE زاد بحوالى 10 CM، بالتزامن مع تخفيف العرض والإرتفاع.   

ميكانيكياً، Mercedes GLE رح يتوفّر بمجموعة واسعة ومنوّعة من المحركات. وإلى جانب محرك Diesel بولّد 201 حصان، من الممكن الإختيار بين أكتر من محرك بنزين. والبداية مع GLE 350 المزوّدة بمحرّك V6 بسعة 3,5 ليترات، بولّد 302 حصان، علماً إنّو هالفئة هيّي الوحيدة يلّي بتتوفّر بدفع خلفي في حال عدم الحاجة لنظام الدفع بالعجلات الأربع. ومع GLE 400 المحرك المُستخدم V6 بسعة 3 ليترات مع 2 Turbo بولّد 329 حصان. واللافت إنّو GLE رح يتوفّر كمان بفئة Hybrid، بإسم GLE 550e مزوّدة بمحرك هَجين بيجمع بين محرك V6 المُستخدم ب GLE 400، ومُحرّك كهربائي، بقوّة مُشتركة بتبلغ 436 حصان.

وأكيد إنّو مع Mercedes AMG GLE 63، مِنُحصَل على الفئة الأقوى، بفضل محرّك V8 بسعة 5,5 ليترات مع 2 Turbo، بولّد 550 حصان. ومن الممكن رفع هالقوة أكتر وأكتر لحدود 577 حصان، مع الفئة AMG GLE 63 S. وبالنسبة لل Transmission فهيّي أوتوماتيكيّة من سبع نسب أماميّة لكل المحركات والفئات، علماً إنّو الدفع بتمّ بالإطارات الأربعة. ومن الممكن جرّ حمولة بيُوصل وزنا لأكتر من 3400 كيلوغرام.       

ومن خلال GLE SUV الجديد، واصلت Mercedes تقليد عريق من جانبا، بيتمثّل بتقديم إبتكارات مميّزة على مستوى السلامة. وفينا نقول إنّو من خلال مجموعة كبيرة من التقنيات والتكنولوجيا المتطوّرة، بساعد GLE السايق على التحكم والسيطرة بمختلف ظروف القيادة، وأكيد على تجنّب المتاعب على الطريق، وحتى على تفادي حوادث السير. وبهالإطار منذكر نظام ABS مع التوزيع الإلكتروني لضغط الكبح، و Collision Prevention Assist Plus  يلّي هوّي عبارة عن نظام مخصّص لتنبيه السايق من المخاطر ولمساعدتو على تجنّب التورّط بأيّا إصطدام. وبيبرز كمان نظام Crosswind Assist يلّي بيمنع إنحراف السيارة بسبب ضغط الهوا الجانبي، مع مساعدة على مستوى المقود أو ال Steering

ومع نظام Active Curve الإختياري، بيستفيد GLE من مساعدة إلكترونية لمعالجة التموّجات الجانبيّة يلّي بيتعرّض إلا جسم السيارة وهيكلا داخل المنعطفات. ومن ضمن الخيارات الإضافيّة، نظام تعليق أو Suspension بتشتغل بضغط الهوا بتحكّم إلكتروني، بشكل بيسمح بتعديل برمجة العمل للحفاظ على الثبات والتماسك بمختلف الظروف. وبيبرز كمان نظام Distronic Plus يلّي بيضبط السرعة تلقائياً، وبشغّل المكابح إذا دعت الحاجة في حال عدم تدخّل السايق بحالات الخطر.

 

Advertisement
/
2016 GLE
Play Play
Previous
Next
Advertisement
QUICK CAR FINDER
find car
find car
2024 EX30
From Volvo
29 March 2024, 09:13 AM
View All
Wheel

What would you like to drive?

Who knows? Maybe MotorShow can help
submit
submit
Advertisement
مقارنة بين هينيسي فينوم 800 سوبر تشارج فورد أف150 وجيب جراند شيروكي تراك هوك
MotorShow
MotorShow
مقارنة بين هينيسي فينوم 800 سوبر تشارج فورد أف150 وجيب جراند شيروكي تراك هوك
مقارنة بين هينيسي فينوم 800 سوبر تشارج فورد أف150 وجيب جراند شيروكي تراك هوك
arrow up
Back to top
close
Follow us
MotorShow Middle East: We test-drive all types of cars and vehicles from all over the world and review about motoring technology for the Middle-East. At MotorShow.me you’ll find thousands of Photos and Videos covering the Automotive Industry, ranging from New Models, Super Cars, Motorcycles, Classics, to Formula 1, in addition to Boats, Planes, Hi-Tech and Road Safety, all of it brought to you by Automotive Engineer and Film Director Nadim Mehanna and his specialized MotorShow Team.
show site map
NMPRO all rights reserved – COPYRIGHT 2024 NMPro
SITEMAP