Polaris Slingshot بتأكّد إنّو الفوارق بين السيارات والدرّاجات النارية عم تصغر أكتر وأكتر مع الوقت. وهالمركبة أو ال Vehicle المزوّدة بتلات إطارات، واحد بالخلف وإتنين بالأمام، بتستخدم أنظمة الدفع الخاصة بال Bikes، ومحرك سيارة، وهيّي بتوفّر راحة السيارات بالتزامن مع شعور قيادة الدراجات.
وPolaris Slingshot 2016 يلّي كانت مشاركة بفعالية ب Sturgis Motorcycle Rally 2014، بتتمتّع بتصميم هجومي ورياضي، خاصة من الجهة الأماميّة. وبتستفيد من جسم مكشوف، مع Cabin مخصّصة للسايق ولراكب بجانبو. ومنلاحظ غياب الأبواب الجانبية، مع تثبيت إزاز أمامي صغير. ونتيجة غياب السقف، تم إستخدام قضبان للحماية خلف المقاعد المزوّدة بدورا بأحزمة أمان. ومع لوحة قيادة أو Dashboard بمواصفات كاملة، وSteering تقليدي، بينسى السايق إنّو عم بسوق درّاجة ومش سيارة!
ميكانيكياً، بيبرز المحرك المأخود من General Motors من فئة Ecotec، ويلّي بيتكوّن من أربع أسطوانات سعة 2,4 ليترات. وهوّي بولّد 173 حصان، مع Torque بيبلغ 166 "نيوتن متر" عند 4700 دورة بالدقيقة.
وبالنسبة للأداء، بإمكان Polaris Slingshot التسارع من صفر لمية كيلومتر بالساعة خلال 6,2 ثوان، علماً إنّو السرعة القصوى أو ال Maximum Speed بتوصل ل 210 كلم/س. وهال Performance بتستوجب إرتداء الطاسات، للحماية من الهوا ومن أيّا مكوّنات من الممكن دخولا للمقصورة المكشوفة.
وبالختام، ولكل شخص بيعتبر إنّو الدراجات النارية كتير ممتعة ولكنّا خطرة، مع Polaris Slingshot يمكن يلاقي الحلّ، لإنّو هال Vehicle بتجمع بين الأحاسيس يليّ بيختبروا ال Bikers، وبنفس الوقت، هيّي كتير مريحة وآمنة للتنقّل.