Mercedes AMG G63 6X6 هي مركبة ضخمة، بتتمتّع بقدرات عبور خارقة، بفضل ست إطارات وإرتفاع خلوص أو Ground Clearance كتير كبير، وكمان بفضل 5,5 Liter V8 مع Twin Turbo بقوّة 536 حصان. وإنطلاقاً من هال Vehicle المميّزة، أطلقت Brabus النسخة B63S 700 6X6 يلّي بتستفيد من قوّة أكبر، وبطبيعة الحال من قدرات عبور وحركة فعّالة أكتر.
والتعديلات كانت كفيلة برفع القوّة الحصانية أو ال Horsepower لحدود 690 حصان، مع عزم دوران أو Torque بيوصل ل 950 Newton Meter. وهالطاقة الضخمة بتتوفّر إعتباراً من سرعة دوران منخفضة للمحرك بتبلّش عند 2000 دورة بالدقيقة. وبتأمّن Automatic Transmission نقل القوة للإطارات الستة. وهال Six-wheel-drive بيستفيد من Low Range Gearbox للدفع البطيء والفعّال، مع إمكانية حجز ال Differentials، لتحسين القدرات على المسارات الصعبة.
ومن الضروري الإشارة إنّو هال 154 حصان الإضافية، تأمّنو من خلال رفع ضغط ال Turbo، ومن خلال تعديلات على برمجة عمل المحرك، وعلى أنابيب دخول وخروج الهوا، وعلى غيرا من التقنيات. ومن ضمن التجهيزات اللافتة، زرّ إلكتروني بيسمح بالإنتقال بين برامج التشغيل، وتحديداً بين وضعيّة "العودة للمنزل" (Coming Home)، والوضعيّة الرياضيّة (Sport Mode). ومع تبديل الوضعية بيتغيّر صوت وهدير المحرك يلّي بيتحوّل من الهادي نسبياً، للصاخب والمرتفع كتير، بشكل ممكن يرعب كل مستخدمي الطريق!
وأكيد أبرز مواصفات Brabus B63S التصميميّة، بتتمثّل بست إطارات قياس 37 Inches، بتسمح بعبور مختلف أنواع الطرقات، من الرمل للوحل للصخور وغيرا.
ومع إنّو وزن هالمركبة الضخمة بيوصل لحدود أربعا Tons، من الممكن التسارع من صفر لمية كيلومتر بالساعة خلال 7,4 ثوان بسّ. ولكن السرعة القصوى محدّدة إلكترونياً عند 160 كلم/س. لضرورات مرتبطة بالتوازن العام، وكمان بإطارات Off-road الضخمين.
ومع إنّو الفكرة أو ال Concept من ورا Brabus B63S يلّي بتتسمّى كمان G63 6X6، تقديم Vehicle بقدرات خارقة على الطرقات الوعرة، التصميم مزيّن بكتير من المكوّنات أو ال Components المصنوعة من الكربون متل غطا المحرك، وعاكس الهواء (Spoiler) الأمامي، مع لون أسود ما كتير مناسب للخدوش أو ال Scratches. ولكن الخطوط قويّة من مختلف الجوانب، مع واجهة أمامية بتأكّد الإنتماء لعائلة Mercedes، ومع صندوق مكشوف بالجهة الخلفيّة. ومن ضمن المميزات كمان، إضاءة LED مغطّاية باللون الأسود. وأكيد إنّو القياسات الضخمة، إن كان على مستوى الطول أو على مستوى الإرتفاع، بتفرض هيبة هالمركبة المميّزة على الطريق.
وداخل ال Cabin يلّي مش ممكن الوصول لَ إلا، من دون إستخدام العتبات الجانبية، تم إستخدام جلد أحمر مع زينة من ال Alcantra، ومع شاشات عرض للركاب بالخلف، لمزيد من التمايز. وما بتغيب مختلف مكوّنات وتجهيزات الراحة والسلامة المستخدمة عادة بسيارات Mercedes G Class عن مقصورة هال G Class المعدّلة من قبل Brabus .
وبالختام،6X6 Brabus G63 مَنّا سيارة عرض، ومنّا Concept لإستعراض المهارات الإنتاجية والصناعية، ولكنّا سيارة جاهزة للبيع مقابل حوالى 700 ألف دولار أميركي.