تعرّضت الممثلة اللبنانية القديرة ليليان نمري لحادث على الطريق نقلت جرّائه إلى المستشفى وقد نبّهت ليليان الجميع من عدم النزول من السيارة قبل التأكد من توافر شروط السلامة. وأشارت إلى أن من المرتقب أن تخضع لعملية جراحية قريباً، لافتةً إلى انها ستغادر المستشفى إلى منزلها.

وكتبت في منشور عبر فيسبوك: "اوعا تنزلوا من سيارة قبل ما تتأكدوا انو كل شي تمام، معكن غراضكن بإيدكن مثلا او الجاكيت مش علقانة بالباب او ما تسكر باب السيارة عالجاكيت وخاصة اذا الشوفور بلا مخ وبيقَلِع بالسيارة متل الطيارة قبل ما يتأكد انو اللي معو نزل وطبش الباب وقلو تمام .. إنتبهوا عا حالكن المجانين كترانين منكون منعرفن بس مش منتبهين انو مجانين ... نشكر الله قطوع ومرق بس ولا عالبال .. الحمدلله عا كل شي، انتبهوا من كل شي كل شي".

أضافت:"شكرا لكل الطاقم الطبي وللمسؤولين العامين واقسام الطوارئ والأشعة بمستشفى رزق وللمحبة والرعاية والإهتمام اللي ما بينوصَف إللي ولكل المرضى بالطوارئ .. الله يبارك قلوبكم ويعطيكم الصحة ويبعد عنكم كل شر .. صحيح إنكسرت إيدي بس بقوة الرب انا قبضاي ".