إن كنتم من الأغنياء ولونكم المفضّل هو الأسود...

من: رولز-رويس | 03 تشرين الأول ، 2017 02:10 م
Advertisement
Photos Photos
Related photos (28)
videos videos
Related Videos (19)

مع الفئة Black Badge الجديدة من Ghost بتستهدف Rolls-Royce المُستهلكين يلّي بحبّوا السيارات المترفة كتير، ويلّي بيتمتّعوا بالقدرات المالية الكافية لشراء وحدة من أفخم السيارات، ولكن كمان المُستهلكين يلّي هنّي بعمر أصغر مُقارنة بمعدّل أعمار زباين هالشركة البريطانية العريقة، وبيتمتّعوا بشخصيّات واثقة من نفسا وبتحبّ تلفت الأنظار، والأهم المُستهلكين يلّي بحبّوا الأداء الرياضي والديناميكي المعزّز. لهيك، فين نقول إنّو Ghost Black Badge، بتستفيد أكتر من مجرّد تعديلات وتحسينات بالشكل، متل يلّي بوَفرا فرع Bespoke، وبتستجيب لطلبات ورغبات الشباب الجريئين من محبّي Rolls-Royce.

 ​
 
 

التصميم الخارجي العام بيستفيد من اللون الأسود الداكن يلّي بيطغى على كتير من المُكونات، من الواجهة الأماميّة المصنوعة من الكروم وُصولاً للجزء الخلفي من جسم هال Sedan المترفة. ومن شعار Rolls-Royce الأمامي وُصولاً لل Exhaust. وبالتالي، متل ما إسما بدلّ، الفئة Black Badge بتتمتّع بلون أسود كتير غامق وفريد من نوعو بعالم صناعة السيارات، وهوّي خاص لحد اليوم ب Ghost  و Wraith يلّي تِنَيناتن صاروا متوفّرين بنسخة Black Badge. وهالشي بأمّن تناقض لافت للنظر مع إنارة LED الفعّالة. وبتبرز كمان الإطارات يلّي إستغرق تطويرا حوالى 4 سنوات، ويلّي بتستفيد من 22 طبقة من الكربون المركّب والمَمزوج بالألومنيوم، لمزيد من التمايز، علمًا إنّا بتتمتّع بتصميم جذاب مع حجم كبير بيبلغ 21 "إنش".

 

داخل مقصورة Ghost Black Badgeالتمايز هوّي على مُستوى اللون كمان، إضافة لاعتماد أساليب متطوّرة لتعتيم المكونات المصنوعة من الألومنيوم أو من الكروم، وإضافة كمان للجوء للدهان اليدوي ببعض الحالات. وإذا كان من بين الخيارات الداخليّة المميّزة بWraith Black Badge لون أزرق مناقض للون الأسود الطاغي، فGhost Black Badgeبتتوفّر بدورا بلون أرجواني أو Purple بأمّن تناقضلافت مع اللون العام المِعتم، بموازاة القطع الكروميّة والمصنوعة من الألومنيوم. وتمّت العناية بفتحات المكيف حتى ما يتغيّر لونا مع مرور الوقت والإستخدام المكثف.واحتفظ المصمّمين بكل مواصفات ومزايا الفخامة والترف المعهودة.

 

 
 
 

من الضروري الإشارة إنّو التمايز الأبرز ل Rolls-Royce Ghost Black Badgeمَنوّ على مُستوى الألوان والشكل العام، ولكنّو بيتركّز على المُستوى الميكانيكي، وعلى مُستوى الأداء بطبيعة الحال. وبهالإطار تمّ تحسين الحركة الديناميكيّة من خلال رفع القوّة الحصانية لمحرك V12 سعة 6,6 ليترات مع 2 Turbo، بمقدار 40 حصان مُقارنة بقوّة محرك Ghost العاديّة. وهالشي رفع الطاقة القصوى لأكتر من 600 حصان، بالتزامن مع زيادة ال Torque لحدود 840 "نيوتن متر".

وترافق هالشي مع تعديلات على مُستوى ال Transmission الأوتوماتيكيّة ويلّي صارت تستفيد من برمجة أكتر "عصبيّة" من السابق – إذا فينا نقول. وبالتالي، صار الإنتقال بين نسبة وتانية، يتمّ على سرعات أعلى لدوران المحرك، مع السماح بالوصول ل RPM أعلى من السابق، خاصة عند إختيار وضعيّة القيادة الرياضية Sport Mode. وكلّ ما كان تعامل السايق مع دعسة البنزين قاسي أكتر، كل ما كان الأداء هُجومي أكتر.

 
 

من ضُمن التغييرات الميكانيكيّة كمان، زيادة حجم أسطوانات الكبح أو ال Discs Brakesبمقدار 2,5 سنتيمترات بالجهتين الأماميّة والخلفيّة، بهدف تعزيز سيطرة السايق على حركة Ghost Black Badge بشكل عام، وخاصة بحالات التوقّف السريع والطارئ. والتجهيزات الإلكترونية المتطوّرة بتتضمّن كاميرا بيُوصل مداها لمسافة 300 متر، وبتبقى فعّالة بالليل.

 

أكتر من هيك، وبالوقت يلّي بتتمتّع في Rolls-Royce Ghost بSuspension فعاّلة بتشتغل بضغط الهوا، إستفادت Black Badge من مزيد من التحسينات على مُستوى مكوّنات هال Suspension، لتأمين ثبات أعلى وتماسك أفضل، بمختلف ظروف القيادة.

 
 ​

وإضافة لخيارات التعديلات المتوفّرة مع برنامج Bespoke من Rolls-Royce، صار من الممكن إختيار Ghost Black Badge يلّي بتتوفّر من قبل الصانع بتصميم ما بيشبه إلا حالو، مع حُضور قوي، ومع أداء كتير فعال وديناميكي على الطريق. 

 
Advertisement
/
2016 Black Badge
Play Play
Previous
Next
Advertisement
QUICK CAR FINDER
find car
find car
2024 DBX707 Official FIA Medical Car of F1
From Aston Martin
29 March 2024, 04:41 PM
View All
Wheel

What would you like to drive?

Who knows? Maybe MotorShow can help
submit
submit
Advertisement
مقارنة بين هينيسي فينوم 800 سوبر تشارج فورد أف150 وجيب جراند شيروكي تراك هوك
MotorShow
MotorShow
مقارنة بين هينيسي فينوم 800 سوبر تشارج فورد أف150 وجيب جراند شيروكي تراك هوك
مقارنة بين هينيسي فينوم 800 سوبر تشارج فورد أف150 وجيب جراند شيروكي تراك هوك
arrow up
Back to top
close
Follow us
MotorShow Middle East: We test-drive all types of cars and vehicles from all over the world and review about motoring technology for the Middle-East. At MotorShow.me you’ll find thousands of Photos and Videos covering the Automotive Industry, ranging from New Models, Super Cars, Motorcycles, Classics, to Formula 1, in addition to Boats, Planes, Hi-Tech and Road Safety, all of it brought to you by Automotive Engineer and Film Director Nadim Mehanna and his specialized MotorShow Team.
show site map
NMPRO all rights reserved – COPYRIGHT 2024 NMPro
SITEMAP