Chevrolet Camaro ZL1 هيّي بكل بساطة أسرع Camaro بتاريخ إنتاج هالسيارة. وهيّي حريصة على تاريخ هالإسم العريق من Chevrolet، مع إدخال كل التكنولوجيا يلّي بتملكا General Motors حالياً. واللافت إنّو هالسيارة فيا تنساق بشكل يومي مريح، وفيا تكون كمان Supercar إستعراضية على حلبات السباق!
تصميمياً، من الممكن بسهولة التعرّف على هويّة الصانع وعلى هويّة هالطراز. لكن أكيد المواصفات الرياضية يلّي بتزيّن الفئة ZL1 هيّي كتيرة ومنوّعة. والإضافات ما بتهدف لتفعيل الطابع الهجومي بسّ، ولكن لزيادة الإنسيابيّة كمان، لأنّو ال Aerodynamic Efficiency مهمّة كتير بهالنوع من السيارات الرياضية. وبالتالي، ال Grille، وال Spoilers، وال Air Extractor، مدروسين كلّن لتسهيل إختراق الهوا، وللحفاظ على التوازن.
وداخل ال Cockpit، ال ZL1 Logos بزيّنو كتير من ال Components. وبتبرز ال Seats يلّي بتثبّت الركاب بأماكنن، مع جلد فاخر وتحكم كهربائي بال Position المرغوبة. وال Steering وال Pedals مدروسين لتأمين تحكم ممتاز للسايق. ومتلاً ال Steering Diameter أصغر من ال Standard Camaro Wheel، بينما ال Rim Section هيّي أكتر سماكة. والتجهيزات المعتادة بسيارات Chevrolet الجديدة، متوفّرة ب ZL1، ومنّا متلاً نظام MyLink. والسيارة مزوّدة ب Navigation System، وب Touch Screen Display، وبنظام Head up display، وبتقنيّة Bluetooth وبغيرن من التجهيزات.
ميكانيكياً، تمّ تزويد Chevrolet Camaro ZL1 بمحرك V8 مصنوع بالكامل من الألومنيوم، سعة 6,2 ليتر، ومدعوم ب Supercharger من الجيل الجديد. وضاغط الهوا المذكور بيستفيد من أكتر من برنامج عمل، لتأمين أفضل أداء ممكن، بغض النظر عن سرعة دوران المحرك. يعني على RPM منخفض، بيشتغل بطريقة معيّنة، وعلى RPM مرتفع بيشتغل بطريقة مختلفة، والهدف دايماً هو عدم جعل السيارة تفقد زخم الإنطلاق والتسارع. ومن ضمن المواصفات اللافتة نظام تبريد داخلي أو Intercooler فعّال كتير، مع مكوّنات معتمدة بشكل Standard علماً إنّا بتنطلب إضافياً بسيارات منافسة. إشارة كمان إنّو مختلف مكوّنات هال Engine، خاصة لجهة وصول البنزين، ودوران الزيت، مدروسة لتحمّل أقصى ضغوط الجاذبية أو G-Force. وأرقام ال Engine بتحكي عن حالا: 580 حصان، وTorque بيبلغ 746 "نيوتن متر" بتصرّف السايق!
وبالنسبة لل Manual Transmission فهيّي من 6 Speed ومن فئة Tremec، وميزتا الأبرز إنّو نسبا قصيرة ودقيقة. وحتى إنّو Shift Knob مدروسة لتمكين السايق من التحكم بالتعشيق بشكل فعّال. ويلّي ما بدّو ال Standard Transmission بإمكانو إختيار ال Hydra-Matic 6L90 Automatic Transmission يلّي بتتميّز ببرمجتا الرياضية الذكيّة. وبالتالي، في حال كانت القيادة هجومية، ما بتم الإنتقال للنسب الأعلى إلا بعد إستهلاك كامل طاقة النسبة المختارة، وبتم أوتوماتيكياً إختيار النسبة الأدنى عند الدخول بال Corners بسرعة عالية.
من جهة تانية، Camaro ZL1 بتستفيد من Hill Start Assist، وهوّي نظام بساعد السايق على الإنطلاق من وسط طلعة قويّة، من دون ما تتراجع سيارتو للخلف، من خلال التدخّل أوتوماتيكياً على المكابح لثوان قليلة كافية للإنطلاق حتى مع ال Gearbox اليدويّة.
وعلى مستوى الأداء أو ال Performance، Chevrolet Camaro ZL1 ما بتخيّب الآمال أبداً! فبمجرّد الضغط على ال Accelerator Pedal، بتنطلق هالسيارة بكل إندفاع وثبات. وأكتر من هيك بيشعر السايق والركاب بضغط جاذبية كبير بخلّين يثبتو بمكانن. والوصول لسرعة مية كيلومتر بالساعة ما بيستغرق أكتر من أربع ثواني، وعبور مسافة 400 متر من مرحلة الإنطلاق بتم خلال 12 ثانية بسّ. والفضل بعود بجزء كبير منّو لنظام Launch Control بتحكم أوتوماتيكي كامل، بيمنع دوران الإطارات على نفسا، وبالتالي بيمنع هدر طاقة المحرك. والسرعة القصوى أو ال Maximum Speed بتوصل ل 295 كيلومتر بالساعة. وعناية المهندسين طالت ال Exhaust المدروس لتأمين هدير صاخب وهجومي خلال التسارع والقيادة النشيطة. ولكن وبنفس الوقت هال Exhaust ما بيصدر ضجيج مزعج خلال القيادة بسرعات منخفضة.
إشارة إنّو Chevrolet Camaro ZL1 هيّي سيارة صالحة للحلبات متل ما هيّي صالحة للطرقات. وبهالإطار، تمّ إختبارا بفعاليّة على Nurburgring Track، مع تسجيل وقت ممتاز بلغ 7 دقايق و41 ثانية فاصلة 27. وهالشي تمّ بعد سلسلة من الإختبارات والتجارب المكثّفة يلّي أجريت على ال Proving Ground التابعين لمجموعة General Motors.
وفينا نقول، إنّو Camaro ZL1 مدروسة هندسياً وميكانيكياً لتأمين قوّة عالية بالتأكيد، لكن الأهم لتأمين الدقة والقدرة على التحكم. ولهالسبب خضع ال Platform لدراسات ولاختبارات متتالية، وجرى توزيع الوزن العام بشكل مثالي بين الجهتين الأمامية والخلفيّة، مع أفضليّة للمحور الأمامي. وبالتحديد 52 % من وزن السيارة بميل للأمام، و48 % بميل للخلف.
والمواصفات الرياضية بتشمل Suspension مستقلّة بالجهات الأربعة، مع الجيل التالت من نظام Magnetic Ride Control لتعزيز التوازن بمختلف ظروف القيادة. وبالتالي، على السرعات العالية الثبات حاضر بقوّة، وداخل المنعطفات التماسك موجود دايماً. وعند أيّ تموّج ل Body السيارة، بتمّ التدخّل إلكترونياً لإستعادة التوازن. وكل هالشي بتمّ بنجاح بفضل Dampers و Springs و Stabilizer Bars بإدارة إلكترونية نشيطة. وببعض الحالات بتمّ تلقائياً خفض ال Center of gravity عبر خفض إرتفاع السيارة عن الطريق. وبإمكان سايق Chevrolet Camaro ZL1 الإختيار من بين تلات برامج حركة مختلفة، الأوّل بإسم Tour ومخصّص للقيادة السياحية المريحة، والتاني Sport ومخصّص للأداء الرياضي متل ما بدلّ إسمو. والبرنامج التالت بإسم Track وهوّي مخصّص للقيادة الديناميكية على الحلبة. ومن الممكن مع هالبرنامج الأخير توصل سرعة تبديل حركة ال Damping لألف مرّة بالثانية الوحدة! وبالتالي، ما في خوف من فقدان التوازن خلف ال Steering، شرط تمتّع السايق بالحد الأدنى من الموهبة القياديّة. والتوازن بيتعزّز أكتر وأكتر، من خلال ال Traction Control المدروس لترك هامش حركة للسايق، قبل التدخّل تلقائياً على المكابح، تبعاً للحاجة.
ونظام ال Braking بيتمتّع بفعاليّة عالية، بفضل Brembo Disk من الحجم الكبير، مع نظام تبريد قوي، ومجموعة كبيرة من المكابس أو ال Pistons. وهالمواصفات كفيلة بتأمين توقّف السيارة ضمن مسافات قصيرة، خاصة بظلّ مساعدة إلكترونية متطوّرة، لتوزيع ضغط المكابح بالشكل الأفضل، ومن دون السماح بإنزلاق أيّ إطار. إشارة إنّو ال Camaro ZL1 مزوّدة ب Wheels قياس 20 إنش، من الممكن تكون مصنوعة من الألومنيوم وخفيفة الوزن كتير. والإطارات المستخدمة بتليق بمستوى هالسيارة الرياضية، وهيّي من فئة Goodyear Eagle F1 Supercar. وهال Tires الخفيفة، بتصلح للقيادة على الطرقات الجافة أو الرطبة، وبتأمّن ثبات عالي وتماسك أكيد، من دون ما تتسبّب بضجيج مزعج على السرعات العالية.
وال Steering System كتير دقيق وسريع التجاوب، علماً إنّو بيستفيد من تقنية مساعدة إلكترو – ميكانيكيّة. وبيشعر السايق خلف المقود، بمدى تماسك إطارات السيارات بالطريق، وبالتالي بحسّ بأيّ ضغط على هالإطارات وبأيّ خطر إنزلاق جانبي محتمل!