سنة 2009 قدّمت General Motors سيارة إختبارية بإسم Cadillac Converj. وبعد أربع سنين، تم إطلاق Cadillac ELR المطوّرة إنطلاقاً من هال Concept.

و ELR هيّي سيارة Coupe صغيرة بجسم من بابين، بتستخدم Delta 2 Platform، أو "قاعدة العجلات" الجديدة من إنتاج General Motors. وبتستفيد من شكل كتير حلو مع خطوط جريئة وعصريّة، وواجهة أمامية هجومية، وGrill فخمة مزيّنة بالكروم، مِتلا مِتل الجوانب، وخط السقف الديناميكي. ومن ضمن المواصفات البارزة إطارات قياس 20 "نش".

وبالنسبة لل Cabin فهيّي مريحة وفخمة متل العادة مع Cadillac، إضافة لكونا رياضية. وتم توزيع أربع مقاعد منفصلة، مع Console وسطي بيمتدّ على كامل المساحة الداخلية. وال Dashboard من وحي المستقبل، مع شاشات عرض Digital ملوّنة، وSteering كتير عملي.

ولكن تمايز هال Cadillac ELR الديناميكيّة، بيتركّز على نظام دفعا الهجيني. وبهالإطار تمّت الإستعانة بال Plug in hybrid system يلّي إختبرتو General Motors بنجاح مع Chevrolet Volt، قبل ما يقوم المهندسين بهالشركة الأميركية العريقة، بإدخال كل التعديلات اللازمة عَلى هالنظام، بهدف تأمين أدء قوي وصديق للبيئة بنفس الوقت.

ومنذكّر إنّو بطارية Lithium Ion بتأمّن عبور مسافة بطول 56 كيلومتر، في حال إستخدام الطاقة الكهربائية بسّ. ولكن هالمسافة بترتفع لحدود 480 كيلومتر، بمجرّد تشغيل نظام الدفع Hybrid يلّي بيستخدم محرك بنزين صغير من  4 Cylindersسعة 1,4 ليترات، إلى جانب ال Electric Motor، بشكل بولّد طاقة موحّدة بتبلغ 217 حصان. وإعادة شحن البطارية بيستغرق حوالى 5 ساعات عند إستخدام مخرج طاقة بقوّة 240 Volt.

وال Gearbox هيّي من فئة CVT، يعني تبديل النسب مستمرّ وتصاعدي. وبالتالي، خيارات السايق بتنحصر بين إختيار وضعيّة الدفع EV يعني الكهربائيّة، أو الدفع ER يعني "المسافة الممدّدة" أو Extended Range.

وبالنسبة لأداء Cadillac ELR، التسارع من صفر لمية كيلومتر بالساعة بتمّ خلال 8 ل 9 ثواني، علماً إنّو من الممكن الوصول لسرعة قصوى بتوصل لحدود 160 كيلومتر بالساعة.

بإختصار، Cadillac ELR الجديدة، هيّي عبارة عن دمج بين CTS Coupe و ATS Sedan، منضاف عَلين نظام دفع Chevrolet Volt بعد تعديلو. وهالمزيج الناجح أدّى لإنتاج Model كتير عصري وجذّاب، وكتير ديناميكي من دون التسبّب بتلوّث الجوّ والبيئة، ولوّ إنّو سعرو مرتفع شوَاي.