بهدف إعادة رفع المبيعات، ولمواجهة المنافسة القويّة من BMW 7 Series وكمان من Audi A8 وغيرن، قرّرت Mercedes تطوير S Class Line لسنة 2014. والجيل الجديدكلياً من الفئة S، ويلّيبيحمل الإسم الرمزي W222، تقدّم بشكل إستعراضي عبر طيّارة Airbus A380. وهوّي إستفاد من تطوير كبير على مستوى التصميم وال Cabin، ولكن التغيير الأهمّ طال ال Technology وتجهيزات ذكيّة بتساعد السايق خلال القيادة، أو Intelligent Driving Aids. 

والبداية متل العادة مع التصميم يلّي بعدو Very much S Class، مع إنّو ال Shape صار More Flowing. وفينا نلاحظ إنّو ال Designبيجمع بين الماضي والمستقبل، وبين الرصانة والطابع العصري الجريء. ومن ضمن التغييرات التصميميّة، زيادةLED Headlights مع تغيير شكل ال Indicators. وإستفادت S Class لسنة 2014 من أشكال جديدة كانت Mercedes قدّمتا مع F800 Style Concept. وهالشي واضح بشكل خاص على مستوى ال Radiator Grille، وعلى مستوى الخطوط يلّي صارو Sharper أكتر. ومن الأمام، تم تصميم ال Bumperمن جديد بالوقت يلّي صارو ال Air intakes أو مداخل الهوا بحجم أكبر. وبالخلف، تمّ تطوير ال Taillights، وال Bumper، مع تثبيت Spoiler بشكل شبه مخفي عن ال Trunk Lid. وبالنسبة للقياسات، زاد الطول العام بنسبة 2 CM، وزاد العرض بمقدار 3 CM تقريباً، بينما إنخفض السقف بنسبة 2,5 CM. وبقي طول ال Wheelbase متل ما هوّي، علماً إنّو من الممكن إختيار ال Long Wheelbase يلّي بتستفيد من 13 CM إضافي لمزيد من الراحة الداخلية. وبكل الأحوال S Class الجديدة بتفرض حالا بقوّة على الطريق.

وداخل ال Cockpit، وإذا كان ال Hand stitched leather منّو غريب على S Class ، متلو متل الخشب وال Chrome، التجديد الكبير تركّز على ال LCD Instrument panel، وال Lighting المميّز. حتى إنّو ال Wood وال Metal صارو من نوعيّة جديدة، وال Paint Finishes بيستفيد من Pearl Effect. وال Seat Options كتار، ومن الممكن الإستفادة من AC داخل هالمقاعد وحتى من Massaging System. ومع ال Long-Wheelbase Versionمن الممكن إختيار First Class Rear، مع مقاعد كبيرة ومريحة، ومع طاولات بتنفتح عند الحاجة، ومع Connections لاستخدام مجموعة كبيرة من التجهيزات الإلكترونيّة. والترفيه الداخلي مكفول من خلال شاشات LCD قياس 12,3 Inch. وال New S Class بتستفيد كمان من نظام تحكم بالصوت أو Voice Command بيشمل كتير من ال Features. ومن ضمن التجهيزات الفخمة يلّي ما بتغيب عن S Class، Dual Zone air conditioning، Navigation، Premium audio system، و Reversing Camera. وال Mobile TV و DVD منّا تجهيزات غريبي على S Class الجديدة. وال Options بتشمل التواصل بال Internet، مع USB Port و SD Card Reader وغيرن كتير. ومن المميزات كمان قدرة السايق على معرفة ال Text Messages وال Emails صوتياً، يعني عبر نظام خاص بيتولّى القراءة للحفاظ على تركيز ال Driver على الطريق.

وميكانيكياً، تمّ تطوير ال Current Lineup، وعم نحكي عن محرّكات منوّعة، من 4 Cylinders و V6 و V8، بقوّة بتتراوح بين 204 و455 حصان. والخيارات بتشمل S400 Hybrid و S500 و S350 BlueTec، و S300 BlueTec Hybrid. وال Transmission الأساسية هيّي 7 Speed Automatic. والدفع هوّي Rear Wheel Drive أو All Wheel Driveحسب الفئة.

وبالنسبة لل Performance، فهيّي بتليق بشعار ال Star. ومتلاً S500بتنطلق من صفر لميّة كيلومتر بالساعة خلال 4,8 ثوان. يعني هالسيارة الفخمة بتجمع ترف التنقّل مع النفس الرياضي. وبالنسبة للتوازن فهوّ مكفول عبرAdaptive Air Suspension بتتوفّر ك Standard Features. يعني كل الإهتزازات والتغيير السريع بضغط الجاذبية، بتتعالج بشكل تلقائي وأوتوماتيكي من نظام تحكم إلكتروني بحركة ال Suspension. وهالشي ممكن يبلغ مستوى متفوّق، في حال إختيار أنظمة مبتكرة، بإسم Road Surface Scan و Magic Body Control يلّي بتتولّى مسح طبيعة الطريق بكاميرات خاصة، قبل ما تختار أوتوماتيكياً البرمجة المطلوبة لل Suspension. وهيّي بتأمّن كمان منع تموّج Body السيارة، تحت أي ظرف... شو ما كانت السرعة، وأدّ ما كان ال Corner قاسي. ومن خلال ال Active lane-keeping assistance ما في مجال إنّو Mercedes S تخرج عن مسارا أو عن خط السير تبعا.

وال High Tech المتوفّرة ب Mercedes S Class 2014 بتشمل Distronic Plus System يلّي قادر يتولّى قيادة السيارة من دون أيّ تدخّل من ال Driver. يعني ال Steering وال Accelerator وال Brake بصيرو بتحكّم أوتوماتيكي كامل، وقت بقرّر ال Driver يشغّل ال Adaptive Navigation System. وهيك بتلحق S Class باقي السيارات على الطريق بشكل أوتوماتيكي، والأهم بشكل كتير آمن. والتطوير يلّي لحق بال Brake Assist System صار يسمح بكشف ال Crossing Traffic وال Pedestrians. وعند الضرورة بتمّ زيادة ال Braking Force بشكل أوتوماتيكي، لضمان فعاليّة أكبر. وال High Tech Features بتشمل ال Night View Assist Plusوهوّي نظام بيعرض Thermal Views للشوارع المعتمة خلال سير Mercedes S، وبتضوّي أيّا جسم بيعترض مسارا على الطريق. أكتر من هيك، مع نظام Pre-Safe تدخّل ال Brakes بتمّ Automatically بحالات الخطر، والتحضيرات لحادث الإصطدام بتشمل كمان ال Seats Belts. ومن الضرورة الإشارة إنّو ال Sensors الموزّعين All Round The Car متواصلين مع بعضن، وبأمّنو شبكة معلوماتية وحدة، وهالشي بيرفع من فعاليّتن، وبحسّن تجاوب كل ال Intelligent Systems الموجودين بالسيارة.